Calírroe (lúa)

Na Galipedia, a Wikipedia en galego.
Calírroe
S1999j1.jpg
Imaxe procedente do proxecto Spacewatch, tomada en 1999 .
Descubrimento[1]
Descuberta polo proxecto Spacewatch
Descuberta dende o Observatorio Kitt Peak[2]
Descuberta no Out-Nov de 1999
Designacións alternativas
e temporais
Xúpiter XVII

S/1999 J 1[1]
1999 UX18[1][3]

Características orbitais [4]
Eixo semi-maior 24.103.000 km
Excentricidade 0,2829
Período orbital 758,77 d (2,1 a)
Inclinación 147,167°
Anomalía media 152,818
Lonxitude do nodo ascendente 89,00°
Argumento do perihelio 30,477°
Satélite de Xúpiter
Características físicas
Radio medio ~8,6 km[5]
Albedo 0,04 (asumido)
Magnitude aparente 20,7

Calírroe (ou en grego Καλλιρρόη), tamén coñecida coma Xúpiter XVII, é unha lúa irregular retrógrada de Xúpiter. Foi descuberta a través do proxecto Spacewatch afincado no Observatorio Kitt Peak, entre os días 6 de outubro ó 4 de novembro do ano 1999,[2] e orixinariamente fora designada coma un asteroide, o asteroide 1999 UX18.[3][6] Tim Spahr descubriu que en realidade orbitaba Xúpiter o 18 de xullo do ano 2000 e a lúa recibiu a designación provisional de S/1999 J 1.[1][7] O cal confirmaba a esta lúa coma a décimo sétima lúa de Xúpiter.[2]

Calírroe ten uns 8,6 quilómetros de diámetro,[5] e orbita Xúpiter a unha distancia media de 24,1 millóns de kms, tarda 758 días en completar unha órbita, ten unha inclinación de 141° con respecto á eclíptica (140° respecto do ecuador de Xúpiter), e posúe unha excentricidade orbital de 0,28. Calírroe ten unha magnitude aparente de 20.7,[5] o que a fai un pouco menos brillante có planeta anano Eris que ten unha magnitude 18,7.[8] Xúpiter é 2,5 millóns de veces máis brillante cá Calírroe.[9] Esta lúa pertence ó grupo de satélites Pasífae, un grupo de lúas retrógradas irregulares que orbitan ó redor de Xúpiter a unha distancia media de entre 22,8 a 24,1 millóns de kms, con inclinacións de entre 144,5° e 158,3°.

Recibiu oficialmente o seu nome en outubro do ano 2002, Calírroe na mitoloxía grega era filla do deus Aqueloo, deidade do río do mesmo nome, Calírroe tamén foi unha das moitas conquistas de Zeus (Xúpiter).[10]

Coma exercicio de navegación, a sonda New Horizons tomou imaxes da lúa o 10 de xaneiro do 2007.[11]

Notas[editar | editar a fonte]

  1. 1,0 1,1 1,2 1,3 Brian G. Marsden (20-07-2000). "IAUC 7460: S/1999 J 1". UAI. http://cfa-www.harvard.edu/iauc/07400/07460.html. 
  2. 2,0 2,1 2,2 "New Outer Satellite of Jupiter Discovered". Minor Planet Center. http://www.cfa.harvard.edu/iau/pressinfo/S1999J1.html. Consultado o 23-07-2009. 
  3. 3,0 3,1 "New moon of Jupiter found". SpaceFlight Now (University of Arizona News Release). http://spaceflightnow.com/news/n0007/21jovianmoon/. Consultado o 23-07-2009. 
  4. Jacobson, R.A. (2006) JUP261 (03-04-2009). "Planetary Satellite Mean Orbital Parameters". JPL/NASA. http://ssd.jpl.nasa.gov/?sat_elem#jupiter. Consultado o 23-07-2009. 
  5. 5,0 5,1 5,2 "Planetary Satellite Physical Parameters". JPL (Solar System Dynamics). 03-04-2008. http://ssd.jpl.nasa.gov/?sat_phys_par. Consultado o 23-07-2008. 
  6. MPS 7418 (Minor Planet Circulars Supplement); non dispoñible en liña
  7. MPEC 2000-Y16: S/1975 J 1 = S/2000 J 1, S/1999 J 1 19-12-2000 (descubrimento e efemérides)
  8. "AstDys (136199) Eris Ephemerides". Department of Mathematics, University of Pisa, Italy. http://hamilton.dm.unipi.it/astdys/index.php?pc=1.1.3.0&n=Eris. Consultado o 16-03-2009. 
  9. (raíz a quinta de 100)^(20,7-(-2,8))=2,51 millóns
  10. IAUC 7998: Satellites of Jupiter 2002 October 22 (bautizando a lúa)
  11. http://www.planetary.org/explore/topics/new_horizons/jupiter_timeline.html

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]