Euquelade (lúa)

Na Galipedia, a Wikipedia en galego.

Euquelade (ou en grego Ευκελάδη), tamén coñecida coma Xúpiter XLVII, é unha lúa irregular retrógrada de Xúpiter. Foi descuberta por un grupo de astrónomos da Universidade de Hawaii encabezado por Scott S. Sheppard no ano 2003, e recibiu a designación temporal S/2003 J 1.[1][2][3]

Euquelade ten uns 4 quilómetros de diámetro, e orbita Xúpiter a unha distancia media de 23,484 millóns de kms, tarda 735,200 días en completar unha órbita, ten unha inclinación de 164° con respecto á eclíptica (165° respecto do ecuador de Xúpiter), e posúe unha excentricidade orbital de 0,2829. Esta lúa pertence ó grupo de satélites Carme, un grupo de lúas retrógradas irregulares que orbitan ó redor de Xúpiter a unha distancia media de entre 23 a 24 millóns de kms, con inclinacións duns 165°.

Recibiu oficialmente o seu nome en marzo do 2005, segundo algúns autores, Euquelade era unha das Musas, e coma tal filla de Zeus.[4][5]

Notas[editar | editar a fonte]

  1. IAUC 8087: Satellites of Jupiter 4 de marzo do 2003 (descubrimento)
  2. MPEC 2003-E11: S/2003 J 1, 2003 J 2, 2003 J 3, 2003 J 4, 2003 J 5, 2003 J 6, 2003 J 7 4 de marzo do 2003 (descubrimento e efemérides)
  3. MPEC 2003-E29: S/2003 J 9, 2003 J 10, 2003 J 11, 2003 J 12; S/2003 J 1, 2003 J 6 3 de abril do 2003 (efemérides revisadas)
  4. IAUC 8502: Satellites of Jupiter 30 de marzo do 2005 (bautizando a lúa)
  5. Scholies d’Hésiode (en grego e francés, tradución de Michel Tichit), EducNet MusAgora: Les Muses dans la littérature grecque ancienne

Véxase tamén[editar | editar a fonte]

Outros artigos[editar | editar a fonte]