S/2003 J 2

Na Galipedia, a Wikipedia en galego.

S/2003 J 2 é unha lúa irregular retrógrada de Xúpiter. Foi descuberta por un grupo de astrónomos da Universidade de Hawaii encabezado por Scott S. Sheppard e David C. Jewitt, o anuncio do seu descubrimento foi o 4 de marzo do 2003.[1][2] A ano 2006, está lúa era e é a lúa máis afastada de Xúpiter.

S/2003 J 2 ten uns 2 quilómetros de diámetro, e orbita Xúpiter a unha distancia media de 29,54 millóns de kms, tarda 981,55 días en completar unha órbita, ten unha inclinación de 154° con respecto á eclíptica (152° respecto do ecuador de Xúpiter), e posúe unha excentricidade orbital de 0,2255.[3][4][5] Esta lúa semella pertencer a un grupo propio, onde de momento, ela é a única integrante, cun eixo semi-maior de ~30 Gm e unha inclinación que ronda os ~160°.[4]

Os límites da influencia gravitacional de Xúpiter veñen definidos pola esfera de Hill, e o seu radio (no caso de Xúpiter) e duns 52 Gm. Pénsase que as lúas retrógradas con eixos máis grandes co 67% do radio de Hill son estables, polo cal é posible que aínda queden por descubrir máis de Xúpiter que estean aínda máis afastadas do planeta cá propia S/2003 J 2.

Notas[editar | editar a fonte]

  1. IAUC 8087: Satellites of Jupiter 4 de marzo do 2003 (descubrimento)
  2. Sheppard, Scott S.; Jewitt, David C. (2003). "An abundant population of small irregular satellites around Jupiter". Nature 423 (6937): 261–263. DOI:10.1038/nature01584. PMID 12748634. http://www.ifa.hawaii.edu/~jewitt/papers/JSATS/SJ2003.pdf. }}
  3. MPEC 2003-E11: S/2003 J 1, 2003 J 2, 2003 J 3, 2003 J 4, 2003 J 5, 2003 J 6, 2003 J 7 4 de marzo do 2003 (descubrimento e efemérides)
  4. 4,0 4,1 Principais elementos orbitais extraidos de NASA JPL (agosto do 2006)
  5. Os actuais (14-07-2004, XD= 2453200,5) elementos orbitais foron extraidos de IAU-MPC NSES e son a= 0,2024818 UA, e=0,1882469 i=153,52114

Véxase tamén[editar | editar a fonte]

Outros artigos[editar | editar a fonte]