Carmesí

Carmesí
Paredes do Palacio da Lexión de Honor de California, pintadas en carmesí
Coordenadas de cor
Triplete hexadecimal	A51C30
Orixe	Carmesí (crimson), cor oficial da Universidade Harvard, baseado en Pantone 187.

O carmesí, é unha cor que corresponde especificamente á coloración do po que resultaba de triturar os corpos secos das femias do insecto chamado quermes (Kermes vermilio), que se recollían principalmente dos arbustos Quercus coccifera, e que se comercializaba nos países mediterráneos como pigmento para tinguir teas.

Tamén se chamaron "carmesí" ás cores subministrados pola tintura do quermes —que se asemella ao "carmín" das pinturas artísticas que hoxe en día se comercializan baixo esa denominación de cor— e os panos de seda ou de la tinguidos de cor escarlata nos que, polo xeral, se empregaba como mordente alume, e se tinguían con carmesí. Máis amplamente, por carmesí pode entenderse a cor escarlata ou calquera tea tinguida de vermello vivo.

Carmesí (Pantone)

Carmesí (específico)

Etimoloxía

O vocábulo "carmesí" aparece na lingua castelá a mediados do século XV, aínda que foi precedido por clemesín, utilizado durante o século XIV. Deriva do latín medieval cremesinus, por vía do árabe hispánico qarmazí, "da cor do quermes". E do castelá pasou ao galego

Cor web

As cores web establecidos por protocolos informáticos para o seu uso en páxinas web inclúen os carmesí (Crimson) que se mostran abaixo. En programación á posíbel invocalo polo seu nome, ademais de polo su valor hexadecimal. Véxase Triplete hexadecimal.

	Carmesí	Carmesí
HTML	#DC143C	#A20025
RGB	(220, 20, 60)	(162, 0, 37)
HSV	(348°, 91 %, 86 %)	(346°, 100 %, 64 %)
Referencia	X11	Windows Phone 8.

Historia e usos

Na Europa do século XV a cor escarlata era considerada a máis suntuosa e cara, e a carmesí, a ser similar, compartía ese privilexio. Foi un colorante de primeira orde na industria tintureira toscana da época, e á vez a principal cor das roupas de luto, seguida da escarlata e a pavonazo (unha púrpura escura).

Vexiloloxía española

A carmesí é considerada a cor vexilolóxico tradicional de Castela (España). Os pendóns de moitas vilas e pobos casteláns defínense, actual e tradicionalmente, por esa cor. Porén, a confusión acerca da cor precisa deste "carmesí" deu lugar a variantes.

Cómpre recordar que "carmesí" non é só unha denominación de cor, senón que tamén designa aos tecidos de seda ou de la tinguidos desa cor ou de escarlata e, por extensión, a calquera pano tinguido de vermello vivo.

Nos séculos XVIII e XIX xulgouse que a chamada carmesí representaba a púrpura heráldica, levando a considerar o pendón castelán portado polos comuneiros como púrpureo, aínda sen ter probas diso. Posteriormente varios especialistas xustificaron o erro na decoloración de moitas bandeiras e estandartes de tafetá carmesí que, co paso dos anos, toman un ton violáceo ou purpúreo.

Na actualidade, numerosos territorios e localidades de España definen a cor das súas bandeiras como "carmesí", algúns simplemente de forma nominal e outros precisando a súa coloración de maneira exacta mediante especificacións técnicas, dando lugar a variacións. O máis habitual son as construcións coas armas do organismo ou municipio sobre un pano carmesí, como é costume cos reposteiros.

Vermello Cartagena

Pantone 202 C

Na rexión española de Murcia, a carmesí vexilolóxica denomínase vermello Cartagena; recibe ese nome debido a que é a cor da bandeira do municipio de Cartagena.

Oficialmente normalizouse como Pantone 202, código pertencente ao sistema de cor Pantone Matching System.

Trátase dun vermello purpúreo escuro.

Comunidades autónomas de España

• 
  Bandeira de Castela-A Mancha, onde a metade da hasta defínese como "vermello carmesí", aínda que non se inclúe definición técnica
• 
  Pendón oficial de Castela e León, que leva o escudo da comunidade «sobre un fondo carmesí tradicional»
• 
  Bandeira da Comunidade de Madrid. Defínesw como "vermello carmesí", indicando con iso a súa castelanidade, aínda que se especifica tecnicamente como "vermello bandeira", adoptando a mesma cor que a bandeira de España
• 
  Bandeira da Rexión de Murcia, de cor "vermello carmesí ou vermello Cartagena", definido como Pantone 202
• 
  Estandarte oficial da Xeneralidade Valenciana, que fixa o escudo «sobre fondo carmesí tradicional rebereteado de ouro»

Provincias españolas

• 
  Bandeira de Araba, de cor carmesí definido como Pantone 220
• 
  Bandeira da Provincia de Albacete
• 
  Bandeira da Provincia de León. A pesar de definirse habitualmente como "púrpura", a maioría dos exemplares actuais mostran o fondo en cor carmesí
• 
  Bandeira da Provincia de Segovia, de "vermello carmesí"
• 
  Bandeira da Provincia de Valladolid, de "vermello carmesí"
• 
  Bandeira de Biscaia

Municipios españois

Municipios cuxas bandeiras se inscriben nun único campo carmesí:

• 
  Bandeira de Lleida
• 
  Bandeira de Toledo
• 
  Bandeira de Albacete
• 
  Bandeira de Cuenca
• 
  Bandeira de Cartagena
• 
  Bandeira de Jorquera
• 
  Bandeira de Vera
• 
  Bandeira de Muñana
• 
  Bandeira de Miranda de Ebro
• 
  Bandeira de Chiclana de la Frontera
• 
  Bandeira de La Granjuela
• 
  Bandeira de Aracena
• 
  Bandeira de Sahagún
• 
  Bandeira de Alpedrete
• 
  Bandeira de Getafe
• 
  Bandeira de Madrid
• 
  Bandeira de Paredes de Nava
• 
  Bandeira de Sevilla
• 
  Bandeira de Teruel
• 
  Bandeira de Alzira
• 
  Bandeira de Corbera
• 
  Bandeira de La Pobla del Duc
• 
  Bandeira de Aguilar de Campos
• 
  Bandeira de Abanto Zierbena
• 
  Bandeira de Valladolid
• 
  Bandeira de Peñafiel

Municipios cuxo compoñente carmesí é parcial:

• 
  Bandeira de Granada
• 
  Bandeira de Almería
• 
  Bandeira de Pulpí
• 
  Bandeira de Jaraicejo
• 
  Bandeira de Alcalá de los Gazules
• 
  Bandeira de Benamejí
• 
  Bandeira de Hinojos
• 
  Bandeira de Andújar
• 
  Bandeira de Cármenes
• 
  Bandeira de Móstoles
• 
  Bandeira de Navalcarnero
• 
  Bandeira de Baztán
• 
  Bandeira de Barruelo de Santullán
• 
  Bandeira de Lantadilla
• 
  Bandeira de Arroyo de la Encomienda

Galería

• 
  O pigmento carmín ou quermes é o referente da cor carmesí
• 
  Follaxe de Parthenocissus quinquefolia
• 
  Telón do gran teatro de Angers
• 
  Raíña María Luísa de Bélxica
• 
  Bandeira de Arequipa
• 
  Tellado xaponés

Véxase tamén

Bibliografía

• Cardon, Dominique (2003): Le monde des teintures naturelles Arquivado 28 de maio de 2020 en Wayback Machine.. París: Belin. ISBN 978-2-7011-6143-3.
• Greenfield, Amy Butler (2005): A perfect red: Empire, espionage, and the quest for the color of desire. Nova York: HarperCollins. ISBN 978-0-0605-2275-9.

Outros artigos

• Cor
• Vermello
• Carmín
• Kermes vermilio

Ligazóns externas

• Center for Science in the Public Interest (nota de prensa) (1 de maio de 2006): Bug-Based Food Dye Should Be ... Exterminated, Says CSPI Arquivado 02 de xuño de 2006 en Wayback Machine. (en inglés).
• Carmine. Natural organic pigment known since antiquity en ColourLex (en inglés).