Andújar

Andújar

Localización
38°02′21″N 4°03′02″O
Estado	España
Comunidade autónoma	Andalucía
Provincia	Provincia de Xaén
Capital de	Campiña de Jaén (en)
Capital	Andújar
Poboación
Poboación	35.788 (2023) (37,41 hab./km²)
Xeografía
Parte de	Q100593675 Campiña de Jaén (en)
Superficie	956,7 km²
Bañado por	Río Guadalquivir
Altitude	212 m
Comparte fronteira con	Baños de la Encina (pt) Montoro Cardeña Fuencaliente (pt) Solana del Pino (pt) Marmolejo (pt) Arjona Arjonilla (pt) Villanueva de la Reina (pt) Lahiguera (pt) Mestanza (pt)
Organización política
• Alcalde	Francisco Manuel Huertas Delgado (en)
Identificador descritivo
Código postal	23740
Fuso horario	UTC+01:00
Código INE	23005
Outro
Irmandado con	Favara, Sicilia
Páxina web	andujar.es

Andújar é unha cidade e un concello da provincia de Xaén, en Andalucía (España). Cabeza da comarca da Campiña de Xaén. A poboación do municipio en 2016 era de 37.975 habitantes, sobre un extenso municipio de 957 km², o maior da provincia.

Situación xeográfica

Andújar está situada ao noroeste da provincia de Xaén, aínda que a capital está na campiña e ás beiras do río Guadalquivir, o territorio municipal setentrional está accidentado pola Serra Morena, que en parte conforma o Parque Natural da Serra de Andújar. O Guadalquivir divide o concello en dúas partes diferentes.

Historia

Os restos máis antigos pertencen ao Paleolítico acheulense. En época prerromana localizábase aquí a cidade ibérica de Isturgis, aínda que é un erro repetido identificar Andújar coa antiga Illiturgis, que corresponde a actual Mengíbar (o erro consérvase no xentilicio iliturxitano que se adxudica aínda aos andujareños). Foi o Municipium Isturgi Trumphale dos romanos. A denominación Sturgis perduraba aínda en época visigoda.

A partir de 711, a comarca pasou a formar parte do Al-Ándalus. En 853 reaparece o topónimo coa forma Anduyar, precedente do vixente hoxe. Os almohades, no século XII, fortificaron a cidade. Foi reconquistada por Fernando III de Castela de forma pacífica en 1225. Henrique IV de Castela concedeulle o título de cidade en 1467. Foi ocupada en 1808 polos franceses. En 1823, en ocasión da invasión dos Cen Mil Fillos de San Luís, o duque de Angulema emitiu desde aquí unha orde con obxectivo de que cesasen os movementos liberais. En 1873 declarouse cantón federal.

Lugares de interese

• Igrexa de Santa María, do século XV, gótica, con torre que talvez proceda da antiga mesquita sobre a que se levantou o templo cristián. Posúe obra do Greco e de Francisco Pacheco, mestre de Velázquez.
• Igrexa de San Miguel, de estilo gótico.
• Casa do Concello.
• Casa de Don Gómez, palacio urbano de estilo barroco.
• Ponte do Guadalquivir, que se cre que posúe baseamentos romanos.
• Murallas almohades.

Festas

• San Eufrasio;
• Romaría da Virxe da Cabeza.

Véxase tamén

• Parque Natural da serra de Andújar