Wikipedia:Artigos de calidade/Propostas

O artigo de calidade é un artigo que cumpre os requirimentos expresados en Wikipedia:O que é un artigo de calidade, e ademais foi elixido en votación para figurar entre o Olimpo dos artigos da Galipedia.

Antes de presentar unha candidatura certifica que o artigo se adecúa ó perfil dun artigo de calidade. Cómpre sinalar a diferenza entre un artigo destacado e un de calidade: os destacados abranguen un espectro máis amplo de artigos nos que se encadran os que polo seu interese e pola súa boa realización foron votados pola comunidade para figurar na Portada, mentres que os artigos de calidade teñen que pasar un filtro máis esixente para figurar como un dos mellores traballos da Wikipedia.

Como engadir unha candidatura a artigo de calidade

Segue os pasos expostos a continuación:

I.	Crear unha proposta
	Copia o nome do artigo tras o texto presente na caixa:
II.	Inserir a ligazón na páxina de escolla
	Inclúe manualmente unha ligazón na sección Wikipedia:Artigos de calidade/Votacións: Prema aquí e deseguido engade esta liña na parte superior da lista: {{Wikipedia:Artigos de calidade/Propostas/Nome do artigo}} substituíndo Nome do artigo polo artigo proposto. Inclúe o modelo {{CADC}} no artigo. Solicita no taboleiro dos administradores que se inclúa un aviso do comezo da votación no Sitenotice. Este aviso deberá quitarse ó pasar unha semana dende a súa inclusión segundo esta votación.
III.	Votación
	Para exercer o teu voto, sempre e cando cumpras os requisitos necesarios, podes empregar o modelo que exprese a túa opinión: Concordo ({{Concordo}}). Se estás de acordo coa proposta. Discordo ({{Discordo}}). Se non estás de acordo ou en oposición. Neutro ({{Neutro}}). Se non está nin en acordo nin desacordo. Ademais diso, tamén podes usar: Comentario ({{Comentario}}). Para facer comentarios. Información: ({{Info}}). Para achegar calquera tipo de información. Pregunta: ({{Pregunta}}). Para formular unha pregunta. Agardar ({{Agardar}}). Para tomar un tempo de reflexión e decidir se cambiar ou non o voto actual. Por favor, trata de argumentar a túa postura engadindo algunhas palabras que fundamenten o acordo ou desacordo coa proposta, en particular cando te opoñas. Ten en conta que a votación non é necesariamente sempre unha mera suma de votos; e non esquezas asinar (co botón da caixa de edición ou engadindo ~~~~). A votación será aprobada cos 3/4 dos votos favorables, sempre que se emitisen cando menos 5 votos a favor. A duración da votación deberá ser de 30 días.
IV.	Peche da votación
	Logo dos días correspondentes pecharase a votación. Candidatura aprobada (artigo de calidade) Un artigo considerarase "artigo de calidade" cando se verifiquen as seguintes condicións: Mínimo de 5 votos favorables Maioría absoluta de votos a favor (>75%). Para pechar a votación editarase a páxina da mesma, inserindo ó principio {{cab}} e ó final {{pé}}. A votación arquivarase en Wikipedia:Artigos de calidade/Propostas pechadas. Muda a caixa {{CADC}} pola de {{Artigo de calidade}}. Na páxina de conversa do artigo engade {{Calidade|nº de edición|data=''Data da aprobación''}}. Inclúe o artigo na lista de artigos de calidade. Retira da lista, situada no baixo desta páxina, a ligazón da páxina de votación do artigo. Valora incluír a nova da elección do artigo en Wikipedia:Novas da comunidade, baixo o modelo {{Anuncio artigo de calidade}} Candidatura rexeitada Se o artigo non foi elixido como de calidade, retira da lista de abaixo a ligazón da páxina de votación do artigo e arquiva esa votación xunto con todas as demais. Previamente, retira a caixa {{CADC}} do artigo e inclúe a seguinte mensaxe na conversa do artigo: ({{Aviso|<center>Este artigo foi proposto para [[Wikipedia:Artigos de calidade|'''artigo de calidade''']].<br /><small>[[Wikipedia:Artigos de calidade/Propostas/Nome do artigo|'''A proposta''']] pechouse o [DATA] resultando rexeitada.</small></center>}}].

Propostas de artigos

Véxase tamén: Wikipedia:Artigos da portada.

Arquivo de votacións

---

---

Selección feminina de hóckey sobre xeo de España

Proposto por: Piquito (conversa) 6 de maio de 2025 ás 15:27 (UTC)

Período de votación: dende o 06-05-2025 ata o 05-06-2025.

• Información: MÉRITOS DO ARTIGO: Artigo moi completo sobre a selección española feminina de hóckey sobre xeo, que recentemente ascendeu á Division IB (terceira categoría internacional). O artigo é, con moito, o máis extenso de todas as Wikipedias, e repasa a traxectoria do equipo español dende o seu debut en 2009 (un ano despois da primeira tempada da liga feminina) ata o seu recente ascenso en 2025. O artigo presenta igualmente a evolución do equipo na clasificación da IIHF e os resultados nos distintos campionatos do mundo, o seu palmarés, as xogadoras que recibiron algunh distinción individual... O artigo conta ademais con máis dun cento de referencias que verifican todo o seu contido. O único punto en contra é a ausencia de imaxes, algo que espero se poda solucionar a medio prazo. Considero, xa que logo, que cumpre todos os requisitos para ser artigo de calidade. --Piquito (conversa) 6 de maio de 2025 ás 15:27 (UTC)

A favor

1. Concordo. --Piquito (conversa) 6 de maio de 2025 ás 15:27 (UTC)

En contra

Neutros

Comentarios

---