Nokia

Nokia
Connecting People
Tipo	Multinacional (NYSE: NOK)
Fundación	1865
Localización	Tapiola (Finlandia)
Fundador	Knut Fredrik Idestam
Persoas clave	Olli-Pekka Kallasvuo
Industria	Telecomunicacións
Produtos	Teléfonos móbiles, equipamento para telefonía móbil
Número de empregados	117.212
Na rede
https://www.nokia.com/
[ editar datos en Wikidata ]

Nokia é un fabricante de teléfonos móbiles finlandés, ademais dunha das principais empresas do sector das telecomunicacións. Con sede en Espoo (Finlandia), Nokia é unha das marcas máis coñecidas dentro e fóra da Unión Europea.

Nokia tamén produce infraestrutura para redes de telefonía móbil e outros equipamentos de telecomunicacións para aplicacións como a telefonía tradicional por voz, RDSI, acceso a Internet por banda larga, radio profesional móbil, Voz IP, e unha liña de receptores de satélite.

Historia

Sede de Nokia en Espoo, Finlandia.

Transmisores GSM Nokia.

A actual Nokia é o resultado da fusión de empresas centenarias procedentes de diferentes sectores da industria finlandesa.

Cronoloxía

• 1865, o enxeñeiro de minas Fredrik Idestam establece unha empresa de industria forestal para a produción de papel no suroeste de Finlandia.
• 1898, a empresa crea a fábrica procesadora de caucho « Finnish Rubber Works Ltd » na cidade de Nokia e adopta o nome da mesma como a súa marca comercial.
• 1912, fúndase a « Finnish Cable Works » dedicada á fabricación de cables para a industria de telégrafo e a produción de teléfonos. Esta empresa foi adquirida por Nokia tralo fin da segunda guerra mundial.
• 1960, créase un Departamento Electrónico na fábrica de cables.
• 1963, Nokia produce un radioteléfono.
• 1965, primeiro procesador para os módems de datos.
• 1967, Nokia Corporación formase oficialmente mediante a fusión de Nokia Company (o negocio orixinal de fabricación de papel) con Finnish Rubber Works e Finnish Cable Works.
• Anos 1970, Nokia desenvolve a DX 200, unha central telefónica de conmutación dixital.
• Anos 1980, a primeira rede internacional de telefonía móbil celular, NMT, introdúcese en Escandinavia en 1981 e Nokia fabrica para esta os primeiros teléfonos de uso en automóbiles.
• 1987, Nokia adquire as operacións de produtos electrónicos e parte dos negocios de compoñentes da German Standard Elektrik Lorenz e a compañía de produtos electrónicos Oceanic de Francia. Ese mesmo ano produce o primeiro ordenador portátil.
• 1989, Nokia expande a súa industria do cable en Europa adquirindo a compañía de cable NKF dos Países Baixos.

Produtos destacados

Terminal de Nokia para TDT.

• 5140
• 5140i
• 6630
• 6680
• 6681
• 7650
• Lista de móbiles serie "N"
  • N70
  • N71
  • N72
  • N73
  • N80
  • N90
  • N91
  • N92
  • N93
  • N95
• Nokia 3200.

Véxase tamén

Ligazóns externas

• Sitio web internacional de Nokia