Tour de Francia 1974

Tour de Francia 1974
Tipo	Tour de Francia
Deporte	ciclismo en ruta
Parte de	1974 Super Prestige Pernod (en)
Distancia do evento	4.098 km
Lugar de saída	Brest
Liña de meta	París
Número de participantes	130, inicio; 105, final
Participantes
	Molteni 1974, Bic 1974, Peugeot-BP-Michelin 1974, Kas-Kaskol 1974, Sonolor-Gitane 1974, MIC-Ludo-de Gribaldy 1974, Gan-Mercier-Hutchinson 1974, La Casera-Peña Bahamontes 1974, Merlin Plage-Shimano-Flandria 1974, Brooklyn 1974, Jobo-Lejeune 1974, Carpenter-Confortluxe-Flandria 1974 e Frisol-Flair Plastics 1974
Localización e Datas
País	Francia, Reino Unido, Bélxica, España e Andorra
Intervalo de tempo	27 de xuño de 1974 – 21 de xullo de 1974
Número de edición	61
Competición
Gañador da clasificación xeral	Eddy Merckx
Segundo da clasificación xeral	Raymond Poulidor
Terceiro da clasificación xeral	Vicente López Carril
Gañador da clasificación por puntos	Patrick Sercu
Gañador da clasificación da montaña	Domingo Perurena
Winner of the combination classification	Eddy Merckx
Winner of the most combative rider	Eddy Merckx
Vencedora da classificação por equipas	Kas-Kaskol 1974
Gañador da clasificación de equipos por puntos	Gan-Mercier-Hutchinson 1974
Gañador da clasificación das metas volantes	Barry Hoban
	← Tour de France 1973 (pt) Tour de France 1975 (pt) →

O Tour de Francia 1974 foi a 61ª edición da carreira ciclista máis importante do mundo. O percorrido de 4098 quilómetros comezou o 27 de xuño na cidade bretoa de Brest, e rematou o 21 de xullo no Velódromo de Vincennes de París, pasando por un total de catro estados diferentes: Francia, Bélxica, Reino Unido e España.

Na carreira participaron 13 equipos, con 10 corredores por equipo, para un total de 130 corredores, dos cales remataron 105. As ausencias mais salientables eran o vixente gañador Luis Ocaña, o recente gañador da Vuelta a España José Manuel Fuente, o italiano Felice Gimondi e o neerlandés Joop Zoetemelk. Entre as presenzas máis importantes estaban Bernard Thévenet, Raymond Poulidor, Lucien Van Impe, Roger Pingeon, e sobre todo o recente gañador do Giro de Italia, o belga Eddy Merckx, que xa tiña 4 Tours no seu palmarés.

Vicente López Carril, do equipo KAS, presentouse como o único representante galego na carreira, cunha moi salientable participación, pois foi quen de acadar o 3º posto final na clasificación xeral, perdendo o 2º posto tan só na penúltima etapa contra o reloxo. Tamén acadou unha vitoria na 11ª tirada,^[1] unha etapa alpina que remataba en Serre Chevalier, sacándolle 54 segundos a Eddy Merckx.^[2]

Eddy Merckx levou posto o maillot amarelo en 17 das 22 etapas, facéndose con 8 vitorias parciais e co seu 5º Tour de Francia. Domingo Perurena acadou a vitoria na clasificación da montaña, e Patrick Sercu na clasificación por puntos. En ámbalas dúas clasificacións, Eddy Merckx ocupou o segundo posto.

Etapas

Etapa	Data	Percorrido	km	Gañador	Líder
Prólogo	27 de xuño	Brest	7,1 (CRI)	Eddy Merckx	Eddy Merckx
1.ª	28 de xuño	Brest - Saint-Pol-de-Léon	144	Ercole Gualazzini	Joseph Bruyère
2.ª	29 de xuño	Plymouth - Plymouth	163,7	Henk Poppe	Joseph Bruyère
3.ª	30 de xuño	Morlaix - Saint-Malo	190	Patrick Sercu	Joseph Bruyère
4.ª	1 de xullo	Saint-Malo - Caen	184.5	Patrick Sercu	Eddy Merckx
5.ª	2 de xullo	Caen - Dieppe	165	Ronald De Witte	Gerben Karstens
6.ª (1)	3 de xullo	Dieppe - Harelbeke	239	Jean-Luc Molinéris	Patrick Sercu
6.ª (2)	3 de xullo	Harelbeke - Harelbeke	9 (CRE)	Equipo Molteni	Gerben Karstens
7.ª	4 de xullo	Mons - Châlons-sur-Marne	221.5	Eddy Merckx	Eddy Merckx
8.ª (1)	5 de xullo	Châlon-sur-Marne - Chaumont	136	Cyrille Guimard	Eddy Merckx
8.ª (2)	5 de xullo	Chaumont - Besançon	152	Patrick Sercu	Eddy Merckx
9.ª	6 de xullo	Besançon - Gaillard	241	Eddy Merckx	Eddy Merckx
10.ª	7 de xullo	Gaillard - Aix-les-Bains	131,5	Eddy Merckx	Eddy Merckx
11.ª	8 de xullo	Aix-les-Bains - Serre Chevalier	199	Vicente López Carril	Eddy Merckx
12.ª	10 de xullo	Savines-le-Lac - Orange	231	Jozef Spruyt	Eddy Merckx
13.ª	11 de xullo	Avignon - Montpellier	126	Barry Hoban	Eddy Merckx
14.ª	12 de xullo	Lodève - Colomiers	248.5	Jean-Pierre Genet	Eddy Merckx
15.ª	13 de xullo	Colomiers - La Seu d'Urgell	225	Eddy Merckx	Eddy Merckx
16.ª	14 de xullo	La Seu d'Urgell - Pla d'Adet	209	Raymond Poulidor	Eddy Merckx
17.ª	15 de xullo	Saint-Lary-Soulan - Col du Tourmalet	119	Jean-Pierre Danguillaume	Eddy Merckx
18.ª	16 de xullo	Bagnères-de-Bigorre - Pau	141.5	Jean-Pierre Danguillaume	Eddy Merckx
19.ª (1)	17 de xullo	Pau - Bordeos	195.5	Francis Campaner	Eddy Merckx
19.ª (2)	18 de xullo	Bordeos - Bordeos	12.4 (CRI)	Eddy Merckx	Eddy Merckx
20.ª	19 de xullo	Saint-Gilles-Croix-de-Vie - Nantes	117	Gérard Vianen	Eddy Merckx
21.ª (1)	20 de xullo	Vouvray - Orleáns	112.5	Eddy Merckx	Eddy Merckx
21.ª (2)	20 de xullo	Orleáns - Orleáns	37.5 (CRI)	Michel Pollentier	Eddy Merckx
22.ª	21 de xullo	Orleáns - París	146	Eddy Merckx	Eddy Merckx

CRI - Contra o reloxo individual. CRE - Contra o reloxo por equipos.

Clasificación final

Eddy Merckx acadou o seu 5º Tour de Francia, igualando a cifra récord de 5 Tours acadada 10 anos antes polo francés Jacques Anquetil. Os 10 primeiros postos da clasificación xeral do Tour de Francia 1974 quedou do seguinte xeito:

Posición	Ciclista	Equipo	Tempo
	Eddy Merckx	Molteni	116h 16' 58"
2	Raymond Poulidor	Gan-Mercier	+ 8' 04"
3	Vicente López Carril	KAS	+ 8' 09"
4	Wladimiro Panizza	Brooklyn	+ 10' 59"
5	Gonzalo Aja	KAS	+ 11' 24"
6	Joaquim Agostinho	Bic	+ 14' 24″
7	Michel Pollentier	Carpentier	+ 16' 34″
8	Mariano Martínez	Sonolor	+ 18' 33″
9	Alain Santy	Gan-Mercier	+ 19' 55″
10	Herman Van Springel	Mic	+ 24' 11″