Vuelta a España

Vuelta a España
Tipo	Grandes Voltas
Deporte	ciclismo en ruta
Organizador	Unipublic (pt)
Localización e Datas
País	España
Vixencia	1935 –
Calendario da tempada	agosto –
Período de ocorrencia	1 ano
Organización
Propietario	Unipublic (pt)

A Volta Ciclista a España (castelán: Vuelta Ciclista a España), comunmente chamada Volta a España ou A Volta (castelán: La Vuelta), é unha competición ciclista anual, que se disputa por etapas ó longo de 3 semanas, principalmente por estradas españolas. A primeira edición tivo lugar no ano 1935, sendo Roberto Heras o ciclista máis laureado, con 4 vitorias na clasificación xeral por tempos, seguido de Tony Rominger e Alberto Contador, con 3.

A Volta a España xunto co Tour de Francia e o Giro de Italia, son as únicas carreiras de tres semanas do calendario da UCI, recibindo o sobrenome de "as tres grandes". Durante moito tempo a carreira española era a primeira das tres en disputarse, pero no ano 1995 cambiou de datas para instalarse entre finais do mes de agosto e comezos de setembro. Este cambio viu acompañado tamén dunhas novas propostas no deseño das etapas, buscando distancias máis curtas e espectaculares. O vixente gañador é o esloveno Primož Roglič.

Historia

A Vuelta Ciclista a España iniciouse no ano 1935 e tivo unha duración de 14 etapas e 3.431 km, grazas a Clemente López Doriga (en colaboración con Juan Pujol). Pouco despois, só tras terse disputado dúas Vueltas, houbo de suspenderse pola guerra civil española.

Nun principio, os participantes eran fundamentalmente españois; arredor dos anos 60-80 comezou a adquirir prestixio internacional. Nos últimos anos, a súa importancia diminuíu.

A Vuelta de 2005 viuse afectado polo escándalo da dopaxe. O seu gañador, Roberto Heras, foi desposuído do seu título en favor de Denis Menchov, xa que deu positivo nun control de EPO.

Organizadores

A primeira edición foi organizada polo desaparecido xornal Informaciones. A partir de 1945 foi o xornal Ya o que se fixo cargo da organización da carreira. O xornal El Correo tomou o relevo en 1955 até finais dos anos 70. A empresa de publicidade Unipublic é a organizadora da carreira dende 1979.

Informaciones (1935-1944)
Ya (1945-1954)
El Correo (1955-1978)
Unipublic (1979-...)

Xerseis

Para facilitar o recoñecemento dos líderes das diversas clasificacións da carreira dentro do pelotón de ciclistas, estes levan uns xerseis dunhas cores determinadas, do mesmo xeito que nas outras grandes voltas: Tour de Francia (maillot amarelo) e Giro de Italia (maglia rosa).

Corredor				Edicións
Roberto Heras	4	1	2	8
Tony Rominger	3	0	1	4
Alberto Contador	3	0	0	3
Primož Roglič	3	0	0	3
Julián Berrendero	2	2	0	7
Chris Froome	2	2	0	7
Pedro Delgado	2	1	2	11
Alex Zülle	2	1	0	11
Bernard Hinault	2	0	0	2
Gustaaf Deloor	2	0	0	2
José Manuel Fuente	2	0	0	4
...	...	...	...	...
Emilio Rodríguez	1	1	0	?
Delio Rodríguez	1	0	1	6
Álvaro Pino	1	0	0	9
Ezequiel Mosquera	0	1	0	4
Manuel Rodríguez	0	1	0	?

Historia

Organizadores

Xerseis

Historial da Vuelta a España

Podios

Vitorias de etapa

Días como líder

Galería de imaxes

Véxase tamén

Outros artigos

Ligazóns externas