Támara Echegoyen

Na Galipedia, a Wikipedia en galego.
(Redirixido desde "Tamara Echegoyen")
Támara Echegoyen en Pontevedra.

Támara Echegoyen Domínguez, nada o 17 de febreiro de 1984 en Ourense[1], é unha regatista galega.

Traxectoria[editar | editar a fonte]

A súa modalidade é a match race. En 2009 finalizou quinta no primeiro campionato de España desa categoría e ao ano seguinte, 2010, obtivo ese título patroneando unha embarcación, o Mexillón de Galicia, do Liceo Casino de Vilagarcía, na que figuraban como tripulación a asturiana Ángela Pumariega e a coruñesa Sofía Toro[2]. Uns meses despois, co mesmo equipo, proclamouse campioa iberoamericana de 2010.

Ao ano seguinte, 2011, revalidou o título español, e conseguiu ademais o campionato de Europa. A finais dese ano, en decembro, disputou o Mundial de Vela da categoría, celebrado en Perth, onde quedou nos cuartos de final.

En febreiro de 2012 clasificouse para os Xogos Olímpicos de Londres, no campionato preolímpico disputado en Cayo Vizcaíno[3], ao remataren na segunda praza. Na primeira ocasión en que esta categoría foi olímpica, acadou a medalla de ouro xunto á súa compañeira, a coruñesa Sofía Toro .

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]