Louis Armstrong

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Louis Armstrong
Louis Armstrong restored.jpg
Armstrong en 1953
Nome completo Louis Daniel Armstrong
Alias Satchmo ou Pops
Naceu 4 de agosto de 1901
Orixe Nova Orleáns (Luisiana)
Morreu 6 de xullo de 1971
Cónxuxe Lil Hardin Armstrong
Ocupación (s) Músico
Xénero Dixieland, jazz, swing, pop tradicional
Instrumento(s) Trompeta
Tempo en activo c. 1914 - 1971
Armstrong-Alassio.jpg

Louis[1] Daniel Armstrong, nado en Nova Orleáns (Luisiana) o 4 de agosto de 1901[2] e finado en Corona (Nova York) o 6 de xullo de 1971, tamén coñecido polos seus alcumes Satchmo ou Pops, foi un trompetista e vocalista de jazz estadounidense.

Traxectoria[editar | editar a fonte]

Naceu nun dos barrios marxinais de Nova Orleáns no seo dunha familia moi pobre. Sen antecedentes musicais na súa familia comeza a interesarse por este mundo oíndo as bandas da súa cidade que desfilaban habitualmente polas rúas, cristalizándose con catorce anos este interese cando é admitido por boa conduta na banda musical do reformatorio onde estaba recluído. Nesta banda escollería a trompeta como instrumento.

Cando sae do reformatorio no ano 1914 comeza a traballar nos cabarés de Storyville, onde estaban concentrados todo os locais nocturnos da cidade. É nesta época e lugar onde coñece o cornetista King Oliver. Co paso do tempo vaise gañando unha gran reputación como trompetista na cidade de Luisiana, sendo contratado polo director de orquestra, Kid Ory. Pouco tempo despois foi contratado por Fate Marable para a súa prestixiosa banda que tocaba diariamente nos barcos de vapor do río Mississippi.

En 1922 chegoulle a súa grande oportunidade cando King Oliver o chamou dende Chicago para que se incorporase á súa Creole Jazz Band como segundo corneta. Alí comeza de verdade a súa apoteósica carreira. Pronto pasa a gravar como líder da súa propia banda os seus primeiros discos e ante o recoñecemento que acadou chegou a interesarse por el Fletcher Henderson, o mellor director negro de orquestra do momento, quen lle ofrece un contrato para que se una á súa banda, contrato que Armstrong aceptou.

En só un ano revoluciona o estilo e a maneira de tocar dos seus compañeiros e grava coas mellores cantantes de blues da época, como por exemplo a gran Bessie Smith. Deixa a banda de Fletcher e entre os anos 1925 e 1928 protagoniza un dos momentos fundamentais do jazz, fundando dous grupos, primeiro os Hot Five e despois os Hot Seven, cuxas gravacións constitúen a semente do xénero tal como o coñecemos hoxe en día.

Viaxa a Europa en 1932 conseguindo un grande éxito na cidade de París. Nesta época foi reclamado por Hollywood, aparecendo en numerosos filmes de maior ou menor calidade. A mediados dos anos cuarenta forma o seu grupo máis coñecido, os All Stars, co trombonista Jack Teagarden, o clarinetista Barney Bigard, o pianista Earl Hines, o batería ''Big Sid'' Catlett e o contrabaixista Arvell Shaw. A presentación oficial do grupo sería o 13 de agosto de 1947 no club Billy Berg's dos Ánxeles; esta nova etapa prolongaríase ata o final da súa vida.

As gravacións de Armstrong cambiarían o jazz, convertendo unha música de improvisación colectiva nunha onde o fundamental é o solo, a expresión individual dun músico. Na derradeira etapa da súa vida tivo problemas cos beizos, que lle impedían tocar, e pasou a converterse cada vez máis en cantante e entertainer. O feito de que esta sexa a etapa coa que máis se identifique a Armstrong non cambia que foi quen nos anos 20 do século XX definiu o que dende entón entendemos como jazz.

Discografía[editar | editar a fonte]

  • 1923: Louis Armstrong and King Oliver (Milestone)
  • 1923: Clarence Williams' Blue Five (CSB)
  • 1928: Hot Fives And Sevens, Vol. 3 (JSP)
  • 1931: Stardust (Portrait)
  • 1933: Louis Armstrong Sings the Blues (RCA)
  • 1947: Satchmo at Symphony Hall, Vol. 2 [live] (Decca)
  • 1949: Satchmo Serenades (Polygram Records)
  • 1951: Satchmo at Pasadena [live] (Decca)
  • 1954: Louis Armstrong Plays W.C. Handy (Columbia/Legacy)
  • 1955: Louis Armstrong at the Crescendo, Vol. 1 [live] (Decca)
  • 1955: Ambassador Satch (Columbia/Legacy)
  • 1955: Satch Plays Fats: The Music of Fats Waller (Sony)
  • 1955: Satchmo the Great (Sony)
  • 1956: Ella and Louis (Polygram Records)
  • 1956: Pasadena Civic Auditorium June 20, 1956 (Giants of Jazz)
  • 1957: Porgy & Bess (Polygram Records)
  • 1957: Ella and Louis Again (Polygram Records)
  • 1957: Louis Armstrong Meets Oscar Peterson (Polygram Records)
  • 1957: Louis and the Angels (Umvd Labels)
  • 1959: The Five Pennies (Decca)
  • 1960: Happy Birthday, Louis! Armstrong & His All-Stars (Omega)
  • 1960: Satchmo Plays King Oliver (Varese Sarabande)
  • 1961: Together for the First Time (With Duke Ellington) (Roulette)
  • 1963: Hello, Dolly! (Mca)
  • 1968: What a Wonderful World (Verve)
  • 1968: Disney Songs the Satchmo Way (Disney)
  • 1969: On Her Majesty's Secret Service (Capitol). Banda sonora de 007 ao servicio da súa maxestade.
  • 2002: The Best of Louis Armstrong: The Hot Five and Seven Recordings (Columbia/Legacy)
  • 2002: Satchmo Live (Orpheus Records)
  • 2006: Complete New York Town Hall & Boston Symphony Hall Concerts (DeFinitive)

Louis Armstrong no cine[editar | editar a fonte]

Coma actor[editar | editar a fonte]

  • 1930: Ex-Flame.
  • 1932: I'll Be Glad When You're Dead You Rascal You.
  • 1932: A Rhapsody in Black and Blue.
  • 1936: Pennies from Heaven.
  • 1937: Artists & Models.
  • 1937: Every Day's a Holiday (Todos os días son festa).
  • 1938: Dr. Rhythm.
  • 1938: Going Places.
  • 1941: Birth of the Blues.
  • 1943: Cabin in the Sky.
  • 1944: Jam Session.
  • 1945: Pillow to Post.
  • 1947: New Orleans.
  • 1948: A Song Is Born.
  • 1950: Botta e risposta.
  • 1951: The Strip.
  • 1951: Here Comes the Groom.
  • 1952: Glory Alley.
  • 1954: The Glenn Miller Story.
  • 1956: High Society.
  • 1959: The Five Pennies.
  • 1959: Kærlighedens melodi.
  • 1961: What About Linda?.
  • 1961: Paris Blues.
  • 1961: Auf Wiedersehen.
  • 1963: Berlin-Melodie.
  • 1965: When the Boys Meet the Girls.
  • 1966: A Man Called Adam.
  • 1969: Hello, Dolly!.

Coma músico[editar | editar a fonte]

Ao longo da súa carreira compuxo case duascentas cancións que foron empregadas en bandas sonoras de películas como:

Galería de imaxes[editar | editar a fonte]

Notas[editar | editar a fonte]

  1. Prefería que o seu nome se pronunciase Louie [1].
  2. Armstrong dixo que non estaba seguro da data na que naceu exactamente, pero celebraba o seu aniversario o 4 de xullo.

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Louis Armstrong Modificar a ligazón no Wikidata
Wikiquote
A Galicitas posúe citas sobre: Louis Armstrong

Ligazóns externas[editar | editar a fonte]