Premios Grammy

Na Galipedia, a Wikipedia en galego.

Os premios Grammy foron creados pola Recording Academy, unha asociación de estadounidenses profesionalmente relacionados coa industria da música, para recoñecer logros extraordinarios na industria da gravación.

Historia[editar | editar a fonte]

É un dos catro shows anuais de premios musicais que se celebran nos Estados Unidos, os outros tres son: os Premios Billboard, os Premios American Music, e o Rock and Roll Hall of Fame Indution Ceremony. Porén, os Grammys, que normalmente se celebran en febreiro, considéranse o equivalente aos Premios Oscar no mundo de música.

Como os Oscars, os Grammys, que na actualidade están compostos por 105 categorías en 30 xéneros de música, outórganse por votación e non por índice de popularidade como ocorre cos Premios American Music e os Premios Billboard Music.

A cerimonia dos Grammys inclúe actuacións dos artistas máis coñecidos e os premios máis agardados entréganse nunha gran cerimonia televisada a través do canal CBS.

A data límite para ser candidato aos Grammys é o 1 de outubro. Por esta razón os artistas estratexicamente apuran para publicar os seus álbums antes desta data para teren opcións de gañar o Grammy dese ano.

Desde o ano 2000, debido á crecente importancia do mercado e da produción de música no ámbito de América Latina e entre a poboación latina dos Estados Unidos, lévase a cabo a entrega dos premios Grammy Latinos (Latin Grammy). Estes premios, que actualmente se dividen en 50 categorías, teñen como data límite o 31 de marzo de cada ano e entréganse en setembro.

Porén, o premio Grammy é considerado para moitos como un premio polémico, xa que grandes iconos musicais como Queen ou Lede Zeppelin nunca gañaron ningún, e David Bowie só conseguiu un en toda a súa traxectoria, e gañouno ao Mellor Video Musical.

Jethro Tull e a polémica de 1989[editar | editar a fonte]

En 1989 os Jethro Tull gañaron o premio Grammy polo seu álbum Crest of a Knave na categoría de The Best Hard Rock/Metal Performance (Mellor Performance de Hard Rock/Metal), derrotando, contra todo prognóstico, os favoritos Metallica. O premio foi particularmente controvertido, xa que moitos non consideran a Jethro Tull como unha banda de hard rock, e moito menos de heavy metal. O feito adicional de que esta fora a primeira ocasión en que se entregaba un Grammy de heavy metal foi visto como un insulto para os fanáticos do xénero. Tal vez como consecuencia disto, desde entón entregáronse Grammys para bandas de heavy metal e hard rock por separado. Por recomendación do seu representante, ningún dos integrantes do grupo asistira á cerimonia (parecía que non tiñan posibilidades de gañar, xa que non era propiamente o seu xénero de música, aínda que o disco tiña unha calidade excepcional), afortunadamente para eles, xa que tras seren anunciados como gañadores, parte da audiencia apupou o resultado. A banda, como consecuencia das críticas, respondeu lanzando un anuncio nunha revista musical británica no que se dicía: "The flute is a Heavy Metal instrument!" (A frauta é un instrumento de Heavy Metal).

Críticas[editar | editar a fonte]

Quizais o que máis chamou a atención destes premios non sexa a importancia que varios medios de comunicación lles dan, senón máis ben a polémica que causaron ao longo da súa traxectoria. Foron fortemente criticados por varios especialistas dentro do mundo da música. Moitos criticos conservadores argumentaron que os Premios Grammy só teñen a intención de beneficiar un grupo da industria musical promovendo os seus produtos e ideas. Os gañadores nos Grammy só reflicten as preferencias politicas, sociais e artísticas dos votantes membros da Academia. Outros críticos, dentro da industria, cuestionaron abertamente por que os Grammy seguen tendo importancia na sociedade actual.

Categorías dos premios[editar | editar a fonte]

Alternativa[editar | editar a fonte]

Blues[editar | editar a fonte]

Children's[editar | editar a fonte]

Clásica[editar | editar a fonte]

Comedia[editar | editar a fonte]

Composición/Arranxos[editar | editar a fonte]

Country[editar | editar a fonte]

Dance[editar | editar a fonte]

Disco[editar | editar a fonte]

Film/TV/Media[editar | editar a fonte]

Folk[editar | editar a fonte]

Gospel[editar | editar a fonte]

Jazz[editar | editar a fonte]

Latina[editar | editar a fonte]

Musical Show[editar | editar a fonte]

Video musical[editar | editar a fonte]

New Age[editar | editar a fonte]

Packaging/Notes; Best Album Cover[editar | editar a fonte]

Polka[editar | editar a fonte]

Pop[editar | editar a fonte]

Production/Engineering[editar | editar a fonte]

R&B[editar | editar a fonte]

Rap[editar | editar a fonte]

Reggae[editar | editar a fonte]

Rock[editar | editar a fonte]

Surround Sound[editar | editar a fonte]

Spoken[editar | editar a fonte]

Traditional Pop[editar | editar a fonte]

World[editar | editar a fonte]