Orquestra

Na Galipedia, a Wikipedia en galego.
Orquestra Filharmónica.
Actuación da orquestra Panorama en Barrantes.

Unha orquestra[1] é unha formación instrumental típica da música académica que se divide tradicionalmente nas seccións de corda, de vento e de percusión. Nace no século XVII e toma coma base a corda fretada. Pouco a pouco iranse engadindo instrumentos ata chegar á orquestra sinfónica actual. O termo emprégase tamén para facer referencia a conxuntos instrumentais diversos, falándose de orquestras de jazz, de baile, de vento, etc.[2]

As principais orquestras galegas son a Orquestra Sinfónica de Galicia (con sede na Coruña) e a Real Filharmonía de Galicia (con sede en Santiago de Compostela).

Evolución histórica[editar | editar a fonte]

Na historia da música académica occidental, a instrumentación da orchestra foise expandindo ao longo do tempo, engadindo novos instrumentos e adaptándose aos requerimentos dos novos repertorios. Deste xeito, partindo da orquestra barroca vanse desenvolvendo a orquestra clásica, orquestra sinfónica e orquestra romántica ate chegar á orquestra moderna, que pode incorporar máis de cen instrumentos, entre os cales se poden atopar instrumentos electrónicos. O termo orquestra de cámara refírese a agrupacións musicais dun tamaño menor de cincuenta instrumenos.

As orquestras especializadas en música barroca de J.S. Bach e Handel ou no repertorio clásico de compositores como Haydn ou Mozart adoitan ter un formato máis reducido que aquelas que interpretan o repertorio romántico como, por exemplo, as sinfonías de Brahms. O crecemento das orquestras durante os séculos XVIII e XIX alcanza o seu cumio coas orquestras de 120 instrumentistas necesarias para interpretar as obras de Wagner ou |Mahler. Nos últimos tempos apréciase unha certa tendencia a retornar a orquestras máis reducidas dos periodos clásico ou barroco.[3]

Notas[editar | editar a fonte]

  1. Definicións no Dicionario da Real Academia Galega e no Portal das Palabras para orquestra.
  2. Latham, Alison (2008). Tezontle, ed. Diccionario enciclopédico de la música (en español). México, D. F.: Fondo de Cultura Económica. pp. 1132–1134. ISBN 6071600200. 
  3. Latham, Alison (2008). Tezontle, ed. Diccionario enciclopédico de la música (en español). México, D. F.: Fondo de Cultura Económica. pp. 1132–1134. ISBN 6071600200. 

Véxase tamén[editar | editar a fonte]

Outros artigos[editar | editar a fonte]


Este artigo tan só é un bosquexo
 Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.