La dolce vita

La dolce vita
Marcello Mastroianni e Anita Ekberg nun fotograma da película.
Ficha técnica
Título orixinal	La dolce vita
Director	Federico Fellini
Produtor	Giuseppe Amato Angelo Rizzoli
Guión	Federico Fellini Ennio Flaiano Tullio Pinelli Brunello Rondi Sen acreditar: Pier Paolo Pasolini
Intérpretes	Marcello Mastroianni Anita Ekberg Anouk Aimée Yvonne Furneaux Alain Cuny Annibale Ninchi Magali Noël Lex Barker Jacques Sernas Nadia Gray
Música	Nino Rota
Fotografía	Leo Catozzo
Montaxe	Columbia Pictures
Estudio	Riama Film Pathé Consortium Cinéma Gray Films
Distribuidora	Cineriz (Italia) Pathé Consortium Cinéma (Francia)
Estrea	5 de febreiro de 1960 11 de maio de 1960 16 de setembro de 1995 (TVG)
Duración	174 minutos 180 minutos (USA)
Orixe	Italia Francia
Xénero	Drama, Comedia
Recadación	19,5 millóns de dólares (USA) 13 617 148 entradas (Italia) 2 956 094 entradas (Francia)

La dolce vita (traducible dende o italiano como "a vida doce" ou "a boa vida") é un filme italiano de 1960 dirixido e escrito por Federico Fellini que obtivo o Oscar ao mellor vestiario no 1961, sendo nomeado a catro deles, incluíndo director e guión orixinal, e a Palma de Ouro no Festival Internacional de Cine de Cannes do 1960.

Estreouse subtitulado en galego o 16 de setembro de 1995 na TVG.

Argumento

Carente dunha trama no seu sentido tradicional e estruturada de xeito episódico, narra os acontecementos da vida de Marcello Rubini (Marcello Mastroianni), angustiado xornalista do corazón mergullado de cheo nos excesos da vida nocturna da clase alta romana e das estrelas dos medios, como a actriz Sylvia (Anita Ekberg). As desenfreadas e exuberantes esmorgas dos ricos romanos contrastan coa escena central do falso milagre da aparición da Virxe, na que moreas de xente humilde acoden desesperadas ao lugar onde se supón que se apareceu para pedirlle diversos favores, vítimas da ignorancia e do engano.

Filme profundamente pesimista, está ateigado de escenas antolóxicas, como a de Anita Ekberg dentro da Fontana di Trevi, ademais de ser unha sátira implacable da sociedade do seu tempo.

Como curiosidade pódese citar que o termo paparazzi para designar aos fotógrafos pesados e carentes de escrúpulos deriva dun personaxe do filme, Paparazzo, amigo de Marcello e que representa ese tipo de reporteiro fotográfico.

Personaxes

• Marcello Mastroianni como Marcello Rubini
• Anita Ekberg como Sylvia Rank
• Anouk Aimée como Maddalena
• Yvonne Furneaux como Emma
• Lex Barker como Robert
• Magali Noël como Fanny
• Alain Cuny como Steiner
• Nadia Gray como Nadia
• Annibale Ninchi como pai de Marcello
• Walter Santesso como Paparazzo
• Valeria Ciangottini como Paola
• Riccardo Garrone como Riccardo
• Ida Galli como debutante do ano
• Audrey McDonald como Jane
• Gloria Jones como Gloria
• Alain Dijon como Frankie Stout
• Enzo Cerusico como fotógrafo
• Nico como Nico

Véxase tamén

Bibliografía

• Bondanella, Peter (1978). Federico Fellini: Essays in Criticism. Nova York: Oxford University Press
• Bondanella, Peter (1992). The Cinema of Federico Fellini. Princeton: Princeton University Press.
• Costantini, Costanzo (ed.)(1994). Fellini on Fellini. Londres: Faber and Faber.
• Fava, Claudio e Aldo Vigano (1985). The Films of Federico Fellini. Nova York: Citadel Press.
• Fellini, Federico (1976). Fellini on Fellini. Londres: Eyre Methuen.
• —, e Damian Pettigrew (2003). I'm a Born Liar: A Fellini Lexicon. Nova York: Harry N. Abrams, Inc. ISBN 0-8478-3135-3
• Kezich, Tullio (2006). Federico Fellini: His Life and Work. Nova York: Faber and Faber. ISBN 978-0-571-21168-5

Ligazóns externas

• La dolce vita na IMDb (en inglés).
• Ficha en RottenTomatoes (en inglés)
• Ficha en Metacritic (en inglés)