Breve encontro

Breve encontro
Título Brief Encounter
Instancia de filme
Xénero cinema romántico cinema dramático filme con analepse
Lingua orixinal lingua inglesa
Cor branco e negro
Autoría
Director/a David Lean
Compositor/a Sergei Rachmaninov
Guionista David Lean Ronald Neame Noël Coward Anthony Havelock-Allan
Director/a fotografía Robert Krasker
Editor/a de cine Jack Harris
Actores Celia Johnson Margaret Barton Valentine Dyall Alfie Bass Sydney Bromley Everley Gregg Joyce Carey Cyril Raymond Trevor Howard Stanley Holloway Jack May
Temática
Tema principal relación fugaz amor prohibido
Ambientado en Inglaterra
Publicación
Produtor/a Noël Coward Ronald Neame Anthony Havelock-Allan
Distribuidor/a Eagle-Lion Films Netflix
Custo 1.000.000 $
Formato de distribución vídeo baixo demanda
Datas  Data de publicación 30 de agosto de 1946 (zonas de ocupación aliada en Alemaña) 26 de novembro de 1945 (Reino Unido) 19 de novembro de 1945 (Londres) 24 de agosto de 1946 (Estados Unidos de América, Canadá) 1945
Dimensións Duración 85 min
Localización  País de orixe Reino Unido
Recoñecemento  Premios National Board of Review aos 10 filmes máis salientables  Nomeamentos Óscar á mellor actriz (9 de febreiro de 1947) Óscar ó mellor director (9 de febreiro de 1947) Óscar ó mellor guión adaptado (9 de febreiro de 1947)  Puntuación da crítica 92/100 Metacritic (17 de outubro de 2025) 93% Rotten Tomatoes (31 de outubro de 2024) 8.6/10 Rotten Tomatoes (6 de outubro de 2021)
Identificadores VIAF 316751926 ISAN 0000-0000-1B61-0000-1-0000-0000-Y Freebase /m/0j88t
Fontes e ligazóns  Descrito pola fonte lista dos 100 mellores filmes segundo a Alliance of Women Film Journalists
Wikidata

Breve encontro (en inglés: Brief Encounter) é un filme británico de 1945 dirixido por David Lean. Está protagonizado por Celia Johnson e Trevor Howard. O guión é do propio Lean, Ronald Neame e Noël Coward, e baséase na obra teatral de Coward de 1936 Still Life.

Foi emitido na TVG o 13 de decembro de 1987.

Argumento

Laura, unha simple ama de casa, casada e con fillos coñece por casualidade nunha estación de tren que ela frecuenta diariamente un médico chamado Alec, tamén casado. Os dous inician unha amizade aparentemente inocente que aos poucos se converte nunha paixón entre ambos. Entón comezan unha relación amorosa secreta.

Elenco

• Celia Johnson como Laura Jesson
• Trevor Howard como Dr. Alec Harvey
• Stanley Holloway como Albert Godby
• Joyce Carey como Myrtle Bagot
• Cyril Raymond como Fred Jesson
• Everley Gregg como Dolly Messiter
• Margaret Barton como Beryl Walters
• Marjorie Mars como Mary Norton
• Alfie Bass (sen acreditar) como camareiro do Royal
• Wallace Bosco (sen acreditar) como doutor no accidente de Bobbie
• Sydney Bromley (sen acreditar) como Johnnie, segundo soldado
• Valentine Dyall (sen acreditar) como Stephen Lynn, amigo de Alec
• Irene Handl (sen acreditar) como violoncellista e organista

Rodaxe

Estación de Carnforth

Gran parte do filme foi rodado na estación de Carnforth en Lancashire, daquela da London, Midland and Scottish Railway. Ao precisarse unha estación con xente, localizouse lonxe de calquera cidade grande para evitar os apagamentos, xa que a rodaxe tivo lugar a principios de 1945, antes da fin da segunda guerra mundial. En dous momentos do filme indícase a localización da estación mediante sinais nas beiravías referidos a destinos locais, incluíndo Leeds, Bradford, Morecambe e Lancaster. Noël Coward realizou os anuncios da estación para o filme. A cantina da estación recreouse en estudio. A estación de Carnforth aínda conserva moitos elementos presentes no filme e é un lugar de peregrinación para fans do filme. Non obstante, algunhas escenas urbanas foron filmadas en Londres, en Denham ou en Beaconsfield, preto dos estudios Denham, en que se realizou o filme.

Música

A música recorrente no filme é o Concerto para piano n.º 2 de Serguéi Rakhmáninov, interpretado por Eileen Joyce. Tamén hai unha escena onde a orquestra do salón toca Spanish Dance No. 5 (Bolero) de Moritz Moszkowski.

Premios

O filme compartiu o Gran Premio no Festival de Cannes de 1946. Na 19ª edición dos Oscar, Celia Johnson foi candidata ao premio á mellor actriz, mentres que David Lean foi candidato á mellor dirección e mellor guión adaptado xunto con Anthony Havelock-Allan e Ronald Neame.

Recepción

Breve encontro foi aclamado trala súa estrea, aínda que había dúbidas sobre se sería popular. Foi votado como un dos 10 mellores filmes realizados en dúas enquisas diferentes a críticos en 1952. En 1999 o filme quedou segundo na lista BFI Top 100 British films, do British Film Institute'.

Véxase tamén

Bibliografía

• The Great British Films, pp 91–93, Jerry Vermilye, 1978, Citadel Press, ISBN 0-8065-0661-X
• Coward, Noël. Brief Encounter: Screenplay. Londres: Faber and Faber, 1999. ISBN 0-571-19680-2
• Dyer, Richard (1993). Brief encounter. Londres: British Film Institute. ISBN 9780851703626. 
• O'Connor, Sean. Straight Acting: Popular Gay Drama from Wilde to Rattigan. Londres: Cassell, 1998. ISBN 0-304-32866-9
• Street, Sarah. British National Cinema. Londres: Routledge, 1997. ISBN 0-415-06736-7

Ligazóns externas

• Criterion Collection essay by Adrian Turner Arquivado 18 de xuño de 2008 en Wayback Machine.
• Alison Ireland's comparison of the film with the original Coward play
• Leninimports review and detailed account of how the film was made
• Britmovie — Locations: Brief Encounter
• Brownlow, Kevin. ""Riskiest Thing I Ever Did": Notes on Brief Encounter". Criterion Collection.