A balada de Narayama

A balada de Narayama
Instancia de filme  Título 楢山節考 (ja)  Caracterizado por filme baseado nunha obra literaria
Características  Cor en cor  Xénero artístico cinema arte comedia dramática cinema dramático  Formato de distribución vídeo baixo demanda  Ambientado en Xapón  Lingua orixinal lingua xaponesa
Implicados  Director/a Shōhei Imamura  Compositor/a Shin'ichirō Ikebe (en)  Guionista Shōhei Imamura Shichirō Fukazawa (en)  Editor/a de cine Hajime Okayasu  Elenco Ken Ogata Nenji Kobayashi Nijiko Kiyokawa Tonpei Hidari Taiji Tonoyama Mitsuko Baishō Shoichi Ozawa Sumiko Sakamoto Takejo Aki  Compañía produtora Toei Company  Distribuidor/a Toei Company Netflix
Datas  Data de publicación 29 de abril de 1983 (Xapón) 11 de xullo de 2018 (Francia) 15 de maio de 1983 (Festival Internacional de Cinema de Cannes) 1983
Historia  Premios e distincións Japan Academy Prize for Outstanding Performance by an Actor in a Leading Role (en) (1984) Premio da Academia Xaponesa ao mellor filme do ano (1984) Palma de Ouro (1983)  Nomeamentos Japan Academy Prize for Director of the Year (en) (1984) Premio da Academia Xaponesa ao mellor filme do ano (1984) Japan Academy Prize for Screenplay of the Year (en) (1984) Japan Academy Prize for Outstanding Performance by an Actress in a Leading Role (en) (1984) Japan Academy Prize for Outstanding Performance by an Actor in a Leading Role (en) (1984)
Cifras e dimensións Duración 130 min
Localización  Lugar de rodaxe Xapón  País de orixe Xapón
Códigos e identificadores VIAF 222756495 Freebase /m/0dndpx
Fontes e ligazóns  Puntuación da crítica 94% Rotten Tomatoes (16 de setembro de 2024) 8.5/10 Rotten Tomatoes (6 de outubro de 2021)
Wikidata

A balada de Narayama (en xaponés: 楢山節考, Narayama bushikō) é un filme xaponés de 1983 dirixido por Shōhei Imamura. Está protagonizado por Sumiko Sakamoto como Orin, Ken Ogata e Shoichi Ozawa. É unha adaptación do libro Narayama bushikō de Shichirō Fukazawa e lixeiramente inspirado polo filme de 1958 dirixido por Keisuke Kinoshita. Gañou a Palma de Ouro no Festival Internacional de Cinema de Cannes de 1983.

Foi estreado en galego pola Televisión de Galicia o 21 de maio de 2005.

Argumento

O filme está ambientado nunha pequena vila rural no Xapón do século XIX. Segundo a tradición, cando unha persoa cumpre setenta anos debe viaxar a unha montaña remota para morrer de fame, práctica coñecida como ubasute. A historia trata sobre Orin, que ten 69 anos e boa saúde, mais ve que un veciño ten que arrastrar o seu pai ata a montaña, así que decide evitar aferrarse á vida. Ela pasa un ano amañando todos os asuntos da súa familia e aldea: castiga severamente unha familia que está acaparando comida e axuda o seu fillo máis novo a perder a virxindade.

O filme inclúe algunhas escenas crúas que amosan os brutais que poden ser as situacións dos aldeáns. Intercaladas no filme hai breves estampas de natureza, aves, serpes e outros animais cazando, axexando, cantando, copulando ou dando a luz.

Elenco

• Ken Ogata – Tatsuhei
• Sumiko Sakamoto – Orin
• Tonpei Hidari – Risuke
• Aki Takejo – Tamayan
• Shoichi Ozawa – Katsuzō
• Fujio Tokita – Jinsaku
• Sanshō Shinsui – Zeniya no Matayan
• Seiji Kurasaki – Kesakichi
• Junko Takada – Matsuyan
• Mitsuko Baisho – Oei
• Taiji Tonoyama – Teruyan
• Casey Takamine – Arayashiki
• Nenji Kobayashi – Tsune
• Nijiko Kiyokawa – Okane
• Akio Yokoyama – Amaya

Produción

A balada de Narayama foi filmado nas prefeturas de Niigata e Nagano.

A principios do século XXI, o filme tivo a posibilidade de ser estreado na China, coa condición de que as escenas de sexo fosen censuradas. Imamura consultou con varios directores chineses, que responderon que esas escenas eran o contraste necesario coas escenas de morte. Imamura deciciu rexeitar a proposta.

Véxase tamén

Ligazóns externas

• Canby, Vincent (9-4-1984). "The Ballad of Narayama (1983) (Movie review)". The New York Times. Consultado o 29-11-2007. 
• Hung, Lee Wood (2007). "Japanese Adaptation to Nature and Imamura's Ballad of Narayama – Based on the Difference between Imamura's Film and Fukasawa's Original Novel" (PDF). Studies In Comparative Culture (en xaponés e inglés) (75): 55–61. Arquivado dende o orixinal (PDF) o 11-05-2011. Consultado o 23-04-2020. 
• Hung, Lee Wood (maio de 2003). "Natural Culturalism in The Ballad of Narayama: A Study of Shohei Imamura's Thematic Concerns" (PDF). Asian Cinema (Penslvania: Asian Cinema Studies Society) 14 (1): 146–166. Arquivado dende o orixinal (PDF) o 11-05-2011. Consultado o 23-04-2020. 
• "楢山節考 (Narayama bushiko)" (en xaponés). Japanese Movie Database. Consultado o 29-11-2007.