Isaac Albéniz

Isaac Albéniz
Isaac Albéniz
Nome completo	Isaac Manuel Francisco Albéniz y Pascual
Nacemento	29 de maio de 1860, 26 de maio de 1860, 1860 e 29 de maio de 1861
	Camprodon, Xirona, Cataluña
Falecemento	18 de maio de 1909
	Cambo-les-Bains Aquitania, Francia
Causa	nefrite
Soterrado	Camposanto de Montjuïc
Nacionalidade	España
Educado en	Real Conservatorio Superior de Música de Madrid, Escola Superior de música e arte dramática Felix Mendelssohn Bartholdy, Conservatorio Real de Bruxelas e Conservatorio de París
Instrumento(s)	piano
Composicións destacadas	Henry Clifford (1895) Pepita Jiménez (1896) Merlin (1898-1902) Suite española La vega (1896-1898) Ibèria (1905-1908)
Fillos	Alfonso Albéniz Jordana e Laura Albéniz Jordana
Premios	Cabaleiro da Lexión de Honra
[ editar datos en Wikidata ]

Isaac Manuel Francisco Albéniz, nado en Camprodon (Xirona) o 29 de maio de 1860 e finado en Cambo-les-Bains (Pireneos Atlánticos, Francia) o 18 de maio de 1909, foi un pianista e compositor español, coñecido polas súas obras para piano baseadas na música popular española.

Non soamente se dedicou á música para este instrumento: tamén escribiu obras para teatro, seis óperas (máis unha inacabada e tres esbozadas) e máis de dúas ducias de cancións, así como varios temas orquestrais e de música de cámara.

Traxectoria

Neno prodixio, debuta como pianista con só catro anos nun recital en Barcelona, nesa cidade vai estudar piano, tenta entrar no conservatorio de París, sen éxito, en 1869 a súa familia trasládase a Madrid, en 1876 recibe unha bolsa de estudos de Alfonso XII para estudar no conservatorio de Bruxelas, en 1879 regresa a España e en 1883 establécese en Barcelona, onde coñece a Felipe Pedrell quen o convence para escribir música española tal como a Suite Española, Op. 47, o quinto movemento, Asturias (Leyenda) é a máis famosa das obra dese tempo no mundo da guitarra clásica, aínda que orixinalmente fora composta para piano, e só máis tarde transcrita para guitarra por Francisco Tárrega.

Entre 1889 e 1900 viviu en Londres e París e escribiu sobre todo obras teatrais. Iberia, composta entre 1905 e 1908, é a súa obra máis coñecida.