José Sanjurjo Sacanell: Diferenzas entre revisións
Etiquetas: edición desde un dispositivo móbil Edición feita a través do sitio móbil |
Sen resumo de edición |
||
Liña 47: | Liña 47: | ||
O 20 de xullo o aviador [[Juan Antonio Ansaldo]] vai a Estoril a recollelo coa súa avioneta para trasladalo a [[Burgos]]. O aparello estrélase na engalaxe e Sanjurjo, quedando retido no seu asento, morre no accidente. Segundo o piloto, o accidente produciuse polo exceso de equipaxe do que el, persoalmente, xa advertira ao xeneral. O piloto resulta ileso. |
O 20 de xullo o aviador [[Juan Antonio Ansaldo]] vai a Estoril a recollelo coa súa avioneta para trasladalo a [[Burgos]]. O aparello estrélase na engalaxe e Sanjurjo, quedando retido no seu asento, morre no accidente. Segundo o piloto, o accidente produciuse polo exceso de equipaxe do que el, persoalmente, xa advertira ao xeneral. O piloto resulta ileso. |
||
[[Emilio Mola]], o director do golpe de estado no organigrama golpista, nomeou a [[Francisco Franco]] como o líder da sublevación. Isto conduciu a diversos rumores afirmando que Franco tivera que ver na morte do líder da rebelión, |
[[Emilio Mola]], o director do golpe de estado no organigrama golpista, nomeou a [[Francisco Franco]] como o líder da sublevación. Isto conduciu a diversos rumores afirmando que Franco tivera que ver na morte do líder da rebelión,{{cómpre referencia}} aínda que nunca apareceu ningunha proba que apoiase esta alegación. |
||
== Notas == |
== Notas == |
Revisión como estaba o 10 de maio de 2020 ás 12:27
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2015.) |
Biografía | |
---|---|
Nacemento | 28 de marzo de 1872 Pamplona, España |
Morte | 20 de xullo de 1936 (64 anos) Estoril, Portugal |
Causa da morte | Accidente ou incidente de aviación |
Lugar de sepultura | Pantheon of Regulares 2 (en) (2017–) Monumento A Los Caídos (en) (1961–2016) |
Deputado nas Cortes republicanas | |
10 de xullo de 1931 – 21 de xullo de 1931 – Gerardo Abad Conde → Lexislatura: I lexislatura da Segunda República Española Circunscrición electoral: Lugo (en) | |
Alto comissário da Espanha em Marrocos (pt) | |
23 de abril de 1931 – 6 de xuño de 1931 ← Francisco Gómez-Jordana Sousa (pt) – Luciano López Ferrer (pt) → | |
Membro da Asemblea Nacional Consultiva | |
11 de decembro de 1928 – 15 de febreiro de 1930 | |
Director-General of the Civil Guard (en) | |
3 de novembro de 1928 – 3 de febreiro de 1932 ← Ricardo Burguete y Lana (pt) – Miguel Cabanellas (pt) → | |
Alto comissário da Espanha em Marrocos (pt) | |
3 de novembro de 1925 – 4 de novembro de 1928 ← Miguel Primo de Rivera – Francisco Gómez-Jordana Sousa (pt) → | |
Datos persoais | |
País de nacionalidade | España |
Actividade | |
Ocupación | oficial , militar , político |
Período de actividade | 1896 - |
Lingua | Lingua castelá |
Carreira militar | |
Lealdade | Restauración borbónica en España |
Rama militar | Exército de Terra de España |
Rango militar | tenente xeneral |
Conflito | Guerra civil española e Guerra do Rif |
Participou en | |
17 de xullo de 1936 | Sublevación do 18 de xullo de 1936 |
10 de agosto de 1932 | Sanjurjada |
Premios | |
José Sanjurjo Sacanell, nado en Pamplona o 28 de marzo de 1872 e finado en Estoril, Portugal, 20 de xullo de 1936, foi un militar español, un dos sublevados no golpe de Estado do 18 de xullo de 1936 contra a República.
Africanista
Inicia a súa carreira como tenente en Cuba, onde ascende a capitán. Tras o final da guerra de Cuba volve a España e participa en varias campañas en Marrocos (1909). Co emprego de comandante de regulares foi condecorado coa Cruz Laureada de San Fernando pola súa acción no combate de Beni Zaiem (Tetuán) o 1 de febreiro de 1914.[1]
Na reconquista do territorio perdido en Melilla despois do desastre de Annual (1921), alcanzando o grao de xeneral. En 1922, á fronte da comandancia militar de Larache, investigou os casos de corrupción na Intendencia e Intervención militar.
Apoio ó golpe de estado de Primo de Rivera
Cando en setembro de 1923 se produce o golpe militar de Primo de Rivera, Sanjurjo é gobernador militar de Zaragoza e apoia sen reservas a sublevación e a posterior ditadura que aquel instaura.
En 1925 participou no desembarco de Alhucemas, e en 1927, ao finalizar a guerra do Rif, o rei Alfonso XIII concedeulle o título de marqués do Rif.
En 1928 é nomeado Director Xeral da Garda Civil, posto que comparte co de Alto Comisario de España en Marrocos. En 1931 o rei Alfonso XIII concédelle a Gran Cruz de Carlos III.
Apoio á II República
A pesar das anteriores mostras de confianza por parte do rei, despois das eleccións do 12 de abril de 1931, que propiciaron a chegada da II República, Sanjurjo ponse incondicionalmente ás ordes do Comité Revolucionario republicano, consolidando desta maneira a chegada do novo réxime e sendo confirmado no cargo de Director Xeral da Garda Civil. Este cambio nas fidelidades de Sanjurjo parece estar motivado polo rancor que lle causou o abandono de Primo de Rivera por parte do rei tras a caída da Ditadura en 1929.
As reformas militares de Manuel Azaña non gustan a Sanjurjo, especialmente a redución de efectivos do exército e o nomeamento de López Ferrer, un civil, como Alto Comisario en Marrocos, polo que mostra o seu desagrado.
Segundo golpe de estado (A Sanjurjada)
- Artigo principal: A Sanjurjada.
A finais de 1931 prodúcense os sucesos de Castilblanco, Badaxoz, onde morren catro gardas civís a mans de manifestantes. Pouco despois, en Arnedo (A Rioxa), morren cinco civís ao disparar a Garda Civil contra unha concentración de traballadores (os sucesos de Arnedo). Ao iniciarse as investigacións de ambos os sucesos, Sanjurjo mostra a súa desconformidade, o que xunto coas súas críticas ás reformas militares fai que sexa substituído á fronte da Garda Civil polo xeneral Miguel Cabanellas, pasando el á Dirección de Carabineros.
Esta confrontación co goberno polas reformas militares de Azaña xunto co proxecto de estatuto de autonomía para Cataluña lévano a preparar con algúns carlistas de Manuel Fal Conde e o conde de Rodezno, así como outros oficiais militares, unha rebelión en Sevilla o 10 de agosto de 1932.
A rebelión, coñecida como a sanjurjada, tivo éxito inicialmente en Sevilla, pero fracasou de forma absoluta en Madrid e posteriormente tamén na capital andaluza tras unha folga xeral, polo que desistiu e tentou fuxir a Portugal, sendo detido en Huelva xunto cun fillo seu.
Condenado á morte
Xulgado e condenado á morte, o goberno republicano non quixo repetir a actuación da Ditadura cos sublevados de Jaca, polo que a condena á morte foille conmutada pola de cadea perpetua, sendo ingresado no Penal do Dueso. Posteriormente é trasladado á Prisión Militar do Castelo de Santa Catalina de Cádiz, onde recibe informacións dunha posible amnistia que finalmente obtén.
Amnistía
Tras as eleccións de novembro de 1933, que deron o triunfo á coalición radical-cedista, formouse o novo goberno, presidido por Lerroux. Este propuxo a concesión dunha amnistía tanto a Sanjurjo como ao resto de militares implicados na sublevación. O Presidente da república, Alcalá-Zamora, resistiuse á firma do decreto e aínda que finalmente o aceptou o último día do prazo legal, forzou unha modificación do mesmo que impedía o retorno de Sanjurjo ao exército. Estas dilacións e a modificación do decreto provocaron unha crise de goberno que fixeron dimitir a Lerroux, quen foi substituído por Ricardo Samper, marchando seguidamente Sanjurjo ao exilio en Estoril (Portugal).
Terceiro golpe de estado (Inicio da Guerra Civil)
Cando en maio de 1936 Niceto Alcalá-Zamora foi substituído como Presidente da República por Azaña, Sanjurjo, xunto cos xenerais Emilio Mola, Francisco Franco e Gonzalo Queipo de Llano, comezou a trazar plans para derrocar o goberno da Fronte Popular.
Estes plans concretaríanse na sublevación que se inicia no norte de Marrocos a tarde do 17 de xullo de 1936 e que ao non conseguir triunfar de forma inmediata en toda España daría orixe á Guerra Civil.
Na organigrama dos sublevados estaba previsto que Sanjurjo asumise a Xefatura do Estado.
Accidente de aviación
O 20 de xullo o aviador Juan Antonio Ansaldo vai a Estoril a recollelo coa súa avioneta para trasladalo a Burgos. O aparello estrélase na engalaxe e Sanjurjo, quedando retido no seu asento, morre no accidente. Segundo o piloto, o accidente produciuse polo exceso de equipaxe do que el, persoalmente, xa advertira ao xeneral. O piloto resulta ileso.
Emilio Mola, o director do golpe de estado no organigrama golpista, nomeou a Francisco Franco como o líder da sublevación. Isto conduciu a diversos rumores afirmando que Franco tivera que ver na morte do líder da rebelión,[Cómpre referencia] aínda que nunca apareceu ningunha proba que apoiase esta alegación.
Notas
Wikimedia Commons ten máis contidos multimedia na categoría: José Sanjurjo Sacanell |