Ricardo Samper

Na Galipedia, a Wikipedia en galego.
Saltar ata a navegación Saltar á procura
Ricardo Samper
Ricardo Samper.jpg
Datos persoais
Nacemento25 de agosto de 1881 e 1881
 España Valencia
Falecemento27 de outubro de 1938 e 1938
 Suíza Xenebra
OrganizaciónPartido de Unión Republicana Autonomista
Partido Republicano Radical
Alma máterUniversidade de Valencia
ProfesiónPolítico e avogado
editar datos en Wikidata ]

Ricardo Samper e Ibáñez, nado en Valencia o 25 de agosto de 1881 e finado en Xenebra o 27 de outubro de 1938, foi un avogado e político republicano español.

Traxectoria[editar | editar a fonte]

Concelleiro da súa vila natal entre 1911 e 1920 e alcalde entre 1920 e 1923, durante a II República foi elixido deputado polo Partido Republicano Radical de Alejandro Lerroux.

Tras a entrada no goberno dos radicais nas eleccións do 19 de novembro de 1933, ocupou a carteira de Traballo e posteriormente a de Industria e Comercio. Foi nomeado presidente do Goberno o 28 de abril de 1934, tras a dimisión de Lerroux, motivada pola negativa inicial do presidente da República, Alcalá Zamora a asinar o decreto polo que se amnistiaba os militares implicados no intento de golpe de estado de Sanjurjo en 1932. Só permaneceu cinco meses ao fronte do goberno, dimitindo o 4 de outubro do mesmo ano 1934, tras perder o apoio da CEDA, por mor da, a xuízo do presidente dese partido Gil Robles, debilidade do seu goberno fronte os problemas sociais. No goberno que o sucede, presidido novamente por Lerroux foi designado Ministro de Estado, mais dimite o 16 de novembro ao serlle atribuídas, pola CEDA, xunto co Ministro de la Guerra Diego Hidalgo, supostas responsabilidades en relación coa revolución de 1934.

En 1936, ao estalar a sublevación militar, marcha a Xenebra (Suíza), de onde xa non volvería, falecendo nesa cidade helvética.

O 2 de decembro de 2008, a neta de Ricardo Samper Ibáñez, Elena Enguix Samper presentou en Valencia un libro de memorias do seu avó.[1]

Notas[editar | editar a fonte]

  1. "El niño que quería ser ministro", artigo en El País 11 de xaneiro de 2009. (en castelán)

Véxase tamén[editar | editar a fonte]

Bibliografía[editar | editar a fonte]

  • Enguix Samper, Elena (2008). Ricardo Samper, valenciano, alcalde, presidente del Gobierno en la II República. UMA editores, Valencia. ISBN 978-84-96468-10-8 (en castelán).


Predecesor:
Francisco Largo Caballero
 Ministro de Traballo e Previsión Social de España 
1933
Sucesor:
Carles Pi i Sunyer
Predecesor:
Félix Gordón Ordás
 Ministro de Industria e Comercio de España 
1933 - 1934
Sucesor:
Vicente Iranzo Enguita
Predecesor:
Alejandro Lerroux García
 Presidente do Consello de Ministros de España 
1934
Sucesor:
Alejandro Lerroux García
Predecesor:
Leandro Pita Romero
 Ministro de Estado de España 
1934
Sucesor:
Juan José Rocha García