Brais

Brais de Sebaste par Hans Memling, 1491. Situado anteriormente na Catedral de Lübeck, agora no Museo de St. Annen en Lübeck, Alemaña.

San Brais nunha vidreira.

Brais (variante Bras, feminino Brasa) é un nome propio de varón de orixe latina na súa variante en galego. O seu significado é 'o que tatexa ou gaguexa', 'tatexo'. A variante portuguesa é Brás.

Onomástica

• 3 de febreiro: San Brais, venerado en occidente, importante en Galiza sendo padrón de moitas parroquias. San Brais era médico e foi coñecido porque retirou coa man unha espiña da gorxa dun neno; por ese motivo é padroeiro das doenzas da gorxa. Foi capturado polos romanos e decapitado no ano 316, sendo enterrado na cidade de Sebaste, Armenia (actual Sivas, Turquía).

O nome de Brais en Galiza

Brais (Bras) foi un nome común en Galiza, San Brais é padroeiro de moitas parroquias, sendo moi venerado. A variante galega do nome foi moi empregada na antigüidade, sendo aos poucos substituída no século XX pola forma castelá Blas. Martín Sarmiento fala do nome Brais (Bras dô Montecelo): Brais, de Blasius, entre los rústicos se usa Bràs..

Hoxe en día a variante galega do nome volveuse nun dos nomes máis populares de Galiza novamente, sendo un dos nomes máis populares entre os nenos varóns. Atopamos 5081 persoas coa variante galega Brais en Galiza. Non existen persoas coa variante Bras nin mulleres coa variante feminina.

Ditos

• Xa te entendo, Bras, significa que un alcanza a intención de outro.

Refraneiro

• Ai Bras, que tanto dis que me queres e tanto sofrir me fas!
• Bras, lávate e comerás: dispois de lavado, non comerás bocado.
• Ende chegando o San Bras pon pan e viño na alforxa, que día non faltará.
• Mira, Bras, por onde vas, e coida ben o que fas.
• San Bras da Barca que afoga e non mata.
• Se te lavas, Bras, a rèla quitarás e limpo quedarás.
• Polo San Brais, teñen os días dúas horas máis.
• Polo San Brais hora e media mais e se ben contaras dúas encontraras.
• Vamos mozas a San Brais, que festas non quedan máis.

Variantes noutras linguas

Variantes noutras linguas
Lingua castelá	Blas
Lingua alemá	Blasius
Lingua bretoa	Bleaz
Lingua catalá	Blai
Lingua checa	Blažej
Lingua corsa	Biasgiu
Lingua croata	Blaž
Lingua dinamarquesa	Blasius
Lingua éuscara	Balas, Balasi
Lingua finlandesa	Blasius
Lingua francesa	Blaise
Lingua galega	Brais
Lingua grega	Βλάσιος (Blasios)
Lingua neerlandesa	Blasius
Lingua húngara	Balázs
Lingua inglesa	Blaise
Lingua islandesa	Blasíus
Lingua italiana	Biagio
Lingua latina	Blasius
Lingua lituana	Blažiejus
Lingua norueguesa	Blasius
Lingua polonesa	Błażej
Lingua portuguesa	Brás
Lingua romanesa	Blasiu
Lingua rusa	Власий (Vlasij)
Lingua serbia	Власије (Vlasije)
Lingua sueca	Blasius
Lingua turca	Vlas

Persoeiros

Santos

• Brais de Sebaste (San Brais), foi un mártir, bispo e santo católico que viviu entre os séculos III e IV na Armenia.

Galegos

• Brais Maceiras, Elviña, A Coruña , 1978 , é un gaiteiro e acordeonista galego.
• Brais Abad, A Coruña , é un actor galego.
• Brais Rodríguez, Brión, 1980, é un debuxante e guionista galego de banda deseñada.
• Brais González Pérez, Salceda de Caselas, 1988 , é un escritor e político galego.
• Brais Pinto, personaxe ficticio que dá nome a un grupo galeguista fundado no ano 1958 en Madrid.

Artistas e escritores estranxeiros

• Blas Valera (1545-). Cronista español.
• Blas Antonio Nasarre y Férriz (1689-1751). Filólogo español.
• Blas de Cáseda y Villamayor (-1748). Músico español.
• Blas de Laserna (1751-1816). Compositor español.
• Blai Parera y Moret (1776-1840). Músico e compositor español (creou a música do Himno Nacional Arxentino).
• Blas Garay (1873-1899). Escritor paraguaio.
• Alfonso Sánchez Urteaga (1910-1985). Pintor peruano.
• Blas Galindo Dimas (1910-1993). Compositor mexicano.
• Blas de Otero (1916-1979). Poeta español.
• Blas Pajarero (1926-). Escritor español.
• Blas Matamoro (1942-). Escritor arxentino.
• Blas Emilio Atehortúa (1943-). Compositor colombiano.
• Blas Durán (1949-). Cantante da República Dominicana.
• Brás Garcia de Mascarenhas, 1596, foi un militar e poeta portugués.

Científicos e investigadores

• Blas Ruiz. Explorador español.
• Blas Cabrera (1878-1945). Físico español.
• Blaise Pascal (1623-1662). Matemático, físico e filósofo relixioso francés.

Deportistas

• Blas Pérez (1881-). Futbolista panameño.
• Blas Ruiz (1979-). Deportista mexicano da especialidad de tiro.

Políticos

• Brás Baltasar da Silveira, 1674, foi un fidalgo portugués, gobernador da Capitanía de São Paulo e Minas de Ouro.
• Brás de Sousa, 1825, foi um político, xurista e profesor brasileiro.
• Brás do Amaral, 1861, foi un médico, profesor, político e historiador brasileiro.

Personaxes de ficción

• Blas. Monicreque do Barrio Sésamo.

Véxase tamén

Outros artigos

• Brás Pires, municipio brasileiro do estado de Minas Gerais.
• San Brais
• Lista de nomes masculinos en galego

Bibliografía

• Yáñez Solana, Manuel (1995). El gran libro de los Nombres. M. E. Editores, Madrid. ISBN 84-495-0232-2. 

• Montes Vicente, José María (2001). El libro de los Santos. Alianza, Madrid. ISBN 84-206-7203-3.