Cúpula da Rocha

Na Galipedia, a Wikipedia en galego.
Cúpula da Rocha
Vista exterior.
Cúpula da Rocha dende o Monte das Oliveiras.
A así chamada "Rocha Fundacional" é preservada no interior do Domo da Rocha.

A Cúpula da Rocha ou o Domo da Rocha (en lingua árabe, قبة الصخرة Qubbat as-Sajra) é un monumento islámico situado na cidade vella de Xerusalén, no centro do Monte do Templo. Os musulmáns cren que a rocha que se atopa no centro da cúpula é o punto dende o cal Mahoma ascendeu aos ceos para se reunir con Deus, acompañado polo anxo Gabriel. En honra a devandito episodio da vida de Mahoma, foi construído o edificio entre os anos 687 e 691 polo noveno califa, Abd al-Malik.

Os credos xudeu e cristián afirman que ese lugar foi onde Abraham estivo a piques de sacrificar ao seu fillo Isaac por orde de Xahveh e onde Xacob viu á súa vez a escaleira ao ceo, segundo os relatos da Xénese. O islam recolle tamén a tradición do sacrificio de Abraham, aínda que na versión islámica o fillo non era Isaac senón o primoxénito, Ismael. Segundo a tradición xudía desde esta primeira pedra construíuse o mundo. Alí foi erixido o Sanctasanctórum, a parte máis sacra do templo de Xerusalén.

Sen cambios esenciais durante máis de trece séculos, a Cúpula da Rocha segue a ser un dos máis preciosos e duradeiros tesouros arquitectónicos do mundo.

Tecnicamente, a Cúpula da Rocha non se considera unha mesquita, mais si é un lugar de culto para o islam. Xunto ao Domo da Rocha, coa súa cúpula dourada, no extremo sur da chaira, atópase a Mesquita de al-Aqsa coa súa cúpula prateada, e anexa ao Domo da Rocha atópase a Cúpula da Cadea. O Domo da Rocha e a Mesquita de al-Aqsa son os dous edificios importantes da Chaira das Mesquitas. Tamén se adoita chamar erroneamente Mesquita de Omar ao Domo da Rocha.

O significado deste sitio abrolla tradicións relixiosas monoteístas ligadas coa rocha á que preserva a cúpula dourada: coñecida como a "Rocha Fundacional", a mesma é considerada un importante punto de referencia polos monoteístas.[1][2]

Notas[editar | editar a fonte]

  1. Árabe: صخرة (Sajrah); hebraico: אבן השתייה (Even Hashetiá).
  2. Considerado tamén santo polos hebreos, o lugar en cuestión é non menos venerado polos musulmáns, quen construíron o Domo da Rocha para preservar dito sitio.

Véxase tamén[editar | editar a fonte]

Outros artigos[editar | editar a fonte]