Belén Toimil
| Biografía | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| Nacemento | 5 de maio de 1994  (30 anos)Mugardos, España | ||||||||||||||||
| Altura | 1,75 m | ||||||||||||||||
| Peso | 89 kg | ||||||||||||||||
| Actividade | |||||||||||||||||
| Ocupación | atleta | ||||||||||||||||
| Nacionalidade deportiva | España | ||||||||||||||||
| Deporte | atletismo | ||||||||||||||||
| Disciplina deportiva | Lanzamento de peso | ||||||||||||||||
| |||||||||||||||||
 | |||||||||||||||||
María Belén Toimil Fernández, nada en Mugardos o 5 de maio de 1994, é unha atleta galega, especializada en lanzamento de peso e disco.
Compite no Playas de Castellón e é a actual posuidora do récord de España de lanzamento de peso (18,80 m). Foi 9 veces campioa de España absoluta e 20 veces campioa de Galicia, e participou nos Xogos Olímpicos de 2020.
Traxectoria
[editar | editar a fonte]Foi campioa de Galicia e de España en categorías inferiores en numerosas ocasións, tanto en lanzamento de peso como en disco, destacando nesa época os seus 19 títulos de campioa de España.[1] Ademais comezou a competir dende moi nova na categoría absoluta, e en 2012, con 18 anos, logrou subir por primeira vez ao podio do Campionato de España absoluto, logrando a medalla de bronce tanto en peso como en disco.
En 2017 participou no Campionato do Mundo de Atletismo, onde quedou eliminada na rolda de clasificación.[2] En setembro de 2020, despois de ter sumado nos anos anteriores ata 16 medallas nos Campionatos de España absolutos, a maioría delas de prata, proclamouse por primeira vez campioa, tras lanzar o peso a 16.20 m no campionato ao aire libre disputado en Moratalaz.[3]
En febreiro de 2021 proclamouse campioa de España en pista cuberta cun lanzamento de 17,81, destronando despois de 11 anos a Úrsula Ruiz.[4] Dúas semanas despois, no Campionato de Europa de Atletismo en pista cuberta na cidade polaca de Toruń, lanzou o peso a 18,64 metros, batendo por 70 centímetros o récord de España que levaba un cuarto de século en poder de Martina de la Puente.[5] Fíxoo na fase de clasificación, mentres que na final quedou sétima cun lanzamento de 18,01 m.[6]
O 26 de xuño de 2021, en Xetafe, gañou o seu terceiro título nacional e o segundo ao aire libre.[7] Tres días despois superou o récord de España de lanzamento de peso ao aire libre, establecéndoo en 18,80 metros, nun mitin celebrado en Castelló de la Plana.[8]
En xullo disputou os seus primeiros Xogos Olímpicos en Toquio, onde iniciou a súa participación buscando a clasificación para a final. Os seus dous primeiros lanzamentos foron nulos, polo que no terceiro realizou un lanzamento máis conservador, pero este quedou curto, ficando a atleta fóra da final por só 5 centímetros.[9] En febreiro de 2022 participou cunha lesión nun xeonllo, no Campionato de España en pista cuberta en Ourense. Realizou só medio xiro no círculo de lanzamento, suficiente para conseguir o ouro, con 16,89 metros.[10] En xuño fíxose co seu terceiro campionato de España ao aire libre consecutivo, cun lanzamento de 17,80 m, superando en case dous metros á segunda clasificada, Mónica Borraz.[11]
En xullo de 2022 disputou o seu segundo Campionato do Mundo, na cidade estadounidense de Eugene. Cun mellor lanzamento de 17,48 non conseguiu o pase á final.[12] En 2023 gañou o seu terceiro ouro nacional en pista cuberta, cunha marca 17,37 metros, e revalidou tamén o título ao aire libre, con 17,89 como mellor lanzamento.[13] En febreiro de 2024 gañou en Ourense o seu oitavo ouro nos campionatos de España, cunha marca de 18,23 metros (batendo ademais o récord dos campionatos),[14] e dous días despois conseguiu na cidade checa de Hvezdy a marca mínima para os Xogos Olímpicos de 2024 en París, despois de lanzar o peso ata os 18,38.[15]
En xuño participou no Campionato de Europa en Roma, onde obtivo a quinta praza final, o mellor resultado dunha lanzadora de peso española na historia dos campionatos europeos, despois de lanzar a bóla a 18,43 metros.[16] Menos dun mes despois sumou en La Nucía o seu quinto título nacional ao aire libre, cun lanzamento de 18,75 metros.[17]
Palmarés
[editar | editar a fonte]Lanzamento de peso
[editar | editar a fonte]- Campionato de España ao aire libre (4): 2020, 2021, 2022, 2023.
- Campionato de España en pista cuberta (4): 2021, 2022, 2023, 2024.
- Campionato de Galicia ao aire libre (8): 2011, 2013, 2015, 2016, 2017, 2018, 2020, 2023.
- Campionato de Galicia en pista cuberta (7): 2011, 2014, 2016, 2017, 2018, 2020, 2021.
- Campionato de España sub-23 ao aire libre (3): 2014, 2015, 2016.
- Campionato de España sub-23 en pista cuberta (2): 2015, 2016.
- Campionato de España sub-20 ao aire libre (2): 2012, 2013.
- Campionato de España sub-20 en pista cuberta (2): 2012, 2013.
- Campionato de España sub-18 ao aire libre (2): 2010, 2011.
- Campionato de España sub-18 en pista cuberta (2): 2010, 2011.
- Campionato de España sub-16 ao aire libre (1): 2009.
- Campionato de Galicia sub-23 ao aire libre (1): 2014.
- Campionato de Galicia sub-23 en pista cuberta (2): 2014, 2016.
- Campionato de Galicia sub-20 ao aire libre (2): 2011, 2013.
- Campionato de Galicia sub-20 en pista cuberta (1): 2013.
- Campionato de Galicia sub-18 ao aire libre (2): 2010, 2011.
- Campionato de Galicia sub-18 en pista cuberta (2): 2010, 2011.
- Campionato de Galicia sub-16 ao aire libre (1): 2009.
- Campionato de Galicia sub-16 en pista cuberta (1): 2009.
- Campionato de Galicia sub-14 en pista cuberta (2): 2007, 2008.
Lanzamento de disco
[editar | editar a fonte]- Campionato de Galicia (5): 2012, 2015, 2016, 2017, 2018.
- Campionato de España sub-23 (1): 2014.
- Campionato de España sub-20 (1): 2012.
- Campionato de España sub-18 (2): 2010, 2011.
- Campionato de España sub-16 (1): 2009.
- Campionato de Galicia sub-23 (1): 2014.
- Campionato de Galicia sub-20 (2): 2012, 2013.
- Campionato de Galicia sub-18 (2): 2010, 2011.
- Campionato de Galicia sub-16 (1): 2009.
Triplo salto
[editar | editar a fonte]- Campionato de Galicia sub-20 (1): 2012.
Marcas persoais
[editar | editar a fonte]| Data | Especialidade | Lugar | Marca[18] |
|---|---|---|---|
| 4 de marzo de 2021 | Lanzamento de peso (pista cuberta) | Toruń | 18,63 m |
| 29 de xuño de 2021 | Lanzamento de peso (aire libre) | Castelló | 18.80 m |
| 23 de febreiro de 2013 | Lanzamento de disco (aire libre) | León | 50.42 m |
Récord nacional Récord galego
Resultados
[editar | editar a fonte]Competicións internacionais
[editar | editar a fonte]| Ano | Evento | Lugar | Posición | Disciplina | Marca |
|---|---|---|---|---|---|
| Categorías cadete, xuvenil, júnior e promesas | |||||
| 2011 | Campionato do Mundo de Atletismo Xuvenil | Lille | 19ª (q) | Lanzamento de peso | 12,87 m |
| 22ª (q) | Lanzamento de disco | 44,21 m | |||
| 2012 | Campionato do Mundo de Atletismo sub-20 | Barcelona | 12ª | Lanzamento de peso | 14,29 m |
| 20ª (q) | Lanzamento de disco | 45,83 m | |||
| 2013 | Campionato de Europa de Atletismo sub-20 | Rieti | 4ª | Lanzamento de peso | 15,82 m |
| 5ª | Lanzamento de disco | 50,15 m | |||
| 2015 | Campionatos Europeos de Atletismo sub-23 | Tallin, Estonia | 10ª | Lanzamento de peso | 15,66 m |
| 2016 | Xogos Mediterráneos sub-23 | Radès | 1ª | Lanzamento de peso | 16,30 m |
| Absoluto | |||||
| 2016 | Campionato de Europa de Atletismo | Ámsterdam | 21ª (q) | Lanzamento de peso | 16,00 m |
| 2017 | Campionato do Mundo de Atletismo | Londres | 26ª (q) | Lanzamento de peso | 16,38 m |
| 2021 | Campionato de Europa de Atletismo en Pista Cuberta | Toruń | 7ª | Lanzamento de peso | 18,63 m |
| Xogos Olímpicos de 2020 | Toquio | 23ª (q) | Lanzamento de peso | 17,38 m | |
| 2022 | Campionato do Mundo de Atletismo | Eugene | 21ª (q) | Lanzamento de peso | 17,48 m |
| 2024 | Campionato de Europa de Atletismo | Roma | 5º | Lanzamento de peso | 18,43 m |
Competicións nacionais
[editar | editar a fonte]| Data | Competición | Lugar | Disciplina | Resultado | Marca |
|---|---|---|---|---|---|
| Categorías cadete, xuvenil, júnior e promesas | |||||
| 2008 | Campionato de España de atletismo sub-16 en pista cuberta | Oviedo | Lanzamento de peso | 12ª | 10,01 m |
| Campionato de España de atletismo sub-16 | Lugo | Lanzamento de peso | 10ª | 10,29 m | |
| Lanzamento de disco | 6ª | 31,64 m | |||
| 2009 | Campionato de España de atletismo sub-16 en pista cuberta | Oviedo | Lanzamento de peso | 3ª | 11,77 m |
| Campionato de España de atletismo sub-16 | El Prat de Llobregat | Lanzamento de peso | 1ª | 12,73 m | |
| Lanzamento de disco | 1ª | 37,97 m | |||
| 2010 | Campionato de España de atletismo sub-18 en pista cuberta | Oviedo | Lanzamento de peso | 1ª | 12,20 m |
| Campionato de España de atletismo sub-18 | Nerja | Lanzamento de peso | 1ª | 12,70 m | |
| Lanzamento de disco | 1ª | 37,71 m | |||
| 2011 | Campionato de España de atletismo sub-18 en pista cuberta | Zaragoza | Lanzamento de peso | 1ª | 13,48 m |
| Campionato de España de atletismo sub-18 | Granollers | Lanzamento de peso | 1ª | 12,45 m | |
| Lanzamento de disco | 1ª | 42,85 m | |||
| 2012 | Campionato de España de atletismo sub-20 en pista cuberta | Donostia | Lanzamento de peso | 1ª | 14,72 m |
| Campionato de España de atletismo sub-20 | Avilés | Lanzamento de peso | 1ª | 15,46 m | |
| Lanzamento de disco | 1ª | 48,16 m | |||
| 2013 | Campionato de España de atletismo sub-20 en pista cuberta | Antequera | Lanzamento de peso | 1ª | 15,10 m |
| Campionato de España de atletismo sub-20 | Castelló de la Plana | Lanzamento de peso | 1ª | 15,48 m | |
| Lanzamento de disco | 2ª | 47,25 m | |||
| 2014 | Campionato de España de atletismo sub-23 en pista cuberta | Antequera | Lanzamento de peso | 1ª | 15,24 m |
| Campionato de España de atletismo sub-23 | Durango | Lanzamento de peso | 1ª | 15,49 m | |
| Lanzamento de disco | 1ª | 49,50 m | |||
| 2015 | Campionato de España de atletismo sub-23 en pista cuberta | Antequera | Lanzamento de peso | 1ª | 15,30 m |
| Campionato de España de atletismo sub-23 | Tarragona | Lanzamento de peso | 1ª | 16,31 m | |
| Lanzamento de disco | 1ª | 46,91 m | |||
| 2016 | Campionato de España de atletismo sub-23 en pista cuberta | Donostia | Lanzamento de peso | 1ª | 15,06 m |
| Campionato de España de atletismo sub-23 | Toledo | Lanzamento de peso | 1ª | 15,79 m | |
| Absoluto | |||||
| 2011 | Campionato de España de atletismo en pista cuberta | Valencia | Lanzamento de peso | 10ª | 12,45 m |
| Campionato de España de atletismo | Málaga | Lanzamento de peso | 5ª | 14,01 m | |
| Lanzamento de disco | 10ª | 42,87 m | |||
| 2012 | Campionato de España de atletismo en pista cuberta | Sabadell | Lanzamento de peso | 4ª | 15,14 m |
| Campionato de España de atletismo | Pamplona | Lanzamento de peso | 3ª | 14,91 m | |
| Lanzamento de disco | 3ª | 46,94 m | |||
| 2013 | Campionato de España de atletismo en pista cuberta, en triplo salto | Sabadell | Lanzamento de peso | 3ª | 14,98 m |
| Campionato de España de atletismo | Alcobendas | Lanzamento de peso | 2ª | 14,97 m | |
| Lanzamento de disco | 4ª | 47,32 m | |||
| 2014 | Campionato de España de atletismo en pista cuberta, en triplo salto | Sabadell | Lanzamento de peso | 2ª | 15,10 m |
| Campionato de España de atletismo | Alcobendas | Lanzamento de peso | 2ª | 15,35 m | |
| Lanzamento de disco | 7ª | 46,44 m | |||
| 2015 | Campionato de España de atetismo en pista cuberta | Antequera | Lanzamento de peso | 2ª | 15,27 m |
| Campionato de España de atetismo | Castelló de la Plana | Lanzamento de peso | 2ª | 15,98 m | |
| 2016 | Campionato de España de atletismo en pista cuberta | Madrid | Lanzamento de peso | 2ª | 15,40 m |
| Campionato de España de atletismo | Xixón | Lanzamento de peso | 2ª | 16,10 m | |
| 2017 | Campionato de España de atletismo en pista cuberta | Salamanca | Lanzamento de peso | 2ª | 16,27 m |
| Campionato de España de atetismo | Barcelona | Lanzamento de peso | 2ª | 17,19 m | |
| 2018 | Campionato de España de atletismo en pista cuberta | Valencia | Lanzamento de peso | 3ª | 15,83 m |
| Campionato de España de atetismo | Xetafe | Lanzamento de peso | 3ª | 15,77 m | |
| 2019 | Campionato de España de atletismo | La Nucía | Lanzamento de peso | 2ª | 16,77 m |
| 2020 | Campionato de España de atletismo en pista cuberta | Ourense | Lanzamento de peso | 2ª | 16,16 m |
| Campionato de España de atletismo | Madrid | Lanzamento de peso | 1ª | 16,20 m | |
| 2021 | Campionato de España de atletismo en pista cuberta | Madrid | Lanzamento de peso | 1ª | 17,81 m |
| Campionato de España de atletismo | Xetafe | Lanzamento de peso | 1ª | 18,52 m | |
| 2022 | Campionato de España de atletismo en pista cuberta | Ourense | Lanzamento de peso | 1ª | 16,89 m |
| Campionato de España de atletismo | Nerja | Lanzamento de peso | 1ª | 17,80 m | |
| 2023 | Campionato de España de atletismo en pista cuberta | Madrid | Lanzamento de peso | 1ª | 17,37 m |
| Campionato de España de atletismo | Torrent | Lanzamento de peso | 1ª | 17,89 m | |
| 2024 | Campionato de España de atletismo en pista cuberta | Ourense | Lanzamento de peso | 1ª | 18,23 m |
| Campionato de España de atletismo | La Nucía | Lanzamento de peso | 1ª | 18,75 m | |
Notas
[editar | editar a fonte]- ↑ "Belén Toimil" (PDF). Real Federación Española de Atletismo (en castelán). Arquivado dende o orixinal (PDF) o 25 de xullo de 2021. Consultado o 25 de xullo de 2021.
- ↑ "La mugardesa Belén Toimil, eliminada". La Opinión A Coruña (en castelán). 9 de agosto de 2017. Consultado o 25 de xullo de 2021.
- ↑ Castro, X. R. (12 de setembro de 2020). "Oros para Belén Toimil y Antía Chamosa en el Campeonato de España de atletismo". La Voz de Galicia. Consultado o 6 de marzo de 2021.
- ↑ "Belén Toimil se corona campeona de España bajo techo sin récord: "Me quedé con la espinita"" (en castelán). 20 de febreiro de 2021. Consultado o 20 de febreiro de 2021.
- ↑ "Belén Toimil pulveriza el récord de España de peso con 18,64". Sport (en castelán). 4 de marzo de 2021. Consultado o 6 de marzo de 2021.
- ↑ "Belén Toimil, sétima no Europeo de Pista Cuberta". Nós Diario. 5 de marzo de 2021. Consultado o 6 de marzo de 2021.
- ↑ "Belén Toimil, título y récord del Nacional en Getafe" (en castelán). 27 de xuño de 2021. Consultado o 25 de xullo de 2021.
- ↑ "Belén Toimil bate su propio récord de España". La Voz de Galicia (en castelán). 30 de xuño de 2021. Consultado o 30 de xuño de 2021.
- ↑ "Belén Toimil se queda fuera de la final de lanzamiento de peso". RTVE (en castelán). 30 de xullo de 2021. Consultado o 31 de xullo de 2021.
- ↑ Bragado, Javier (26 de febreiro de 2022). "El veterano Bellido logra su deseado oro y Belén Toimil gana a medio gas" (en castelán). Consultado o 27 de febreiro de 2022.
- ↑ S. Aguado, Antón; Elías, Carla (24 de xuño de 2022). "Belén Toimil, campeona de España por tercera vez consecutiva". La Voz de Galicia (en castelán). Consultado o 16 de xullo de 2022.
- ↑ "Belén Toimil, fuera de la final de peso del Mundial de Eugene". La Voz de Galicia (en castelán). 16 de xullo de 2022. Consultado o 16 de xullo de 2022.
- ↑ "Belén Toimil suma su tercer título de campeona de España bajo techo en peso". La Voz de Galicia (en castelán). 19 de febreiro de 2023. Consultado o 2 de abril de 2023.
- ↑ "Belén Toimil e Saleta Fernández, primeiras medallas galegas no Campionato de España". Televisión de Galicia. 18 de febreiro de 2024. Consultado o 21 de febreiro de 2024.
- ↑ "Belén Toimil logra la mínima para los Juegos Olímpicos de París". Mundo Deportivo (en castelán). 20 de febreiro de 2024. Consultado o 21 de febreiro de 2024.
- ↑ "Belén Toimil hace historia en Roma con un quinto puesto" (en castelán). 19 de xuño de 2024. Consultado o 11 de xullo de 2024.
- ↑ "Quinto título de campioa de España para Belén Toimil". 30 de xuño de 2024. Consultado o 11 de xullo de 2024.
- ↑ "Perfil de Belén Toimil". worldathletics.org (en inglés). Consultado o 6 de marzo de 2021.
Véxase tamén
[editar | editar a fonte]Ligazóns externas
[editar | editar a fonte]- Datos da atleta Arquivado 31 de xullo de 2021 en Wayback Machine. no sitio web do Comité Olímpico Internacional (en inglés).
