Barrio de Sant Antoni

Na Galipedia, a Wikipedia en galego.

Coordenadas: 41°22′40″N 02°09′40″E / 41.37778°N 2.16111°E / 41.37778; 2.16111

A Avenida Mistral

Sant Antoni é un barrio na cidade de Barcelona do distrito do Eixample. Está limitado pola Gran Via de les Corts Catalanes (no seu tramo comprendido desde a Plaça Espanya ata Plaça Universitat), Rolda de Sant Antoni, Rolda de Sant Pau e a avinguda Paral·lel. A súa poboación era de 37.878 habitantes no ano 2005.

O centro neurálxico do barrio constitúeo o mercado de Sant Antoni, que ocupa a mazá delimitada polas rúas Comte Borrell, Manso, Comte d'Urgell e Tamarit. Foi construído a finais do século XIX e é moi popular debido á súa feira semanal de libros vellos e material de coleccionismo que se celebra cada domingo pola mañá. Os comercios da Rolda de Sant Antoni e das rúas Sepúlveda e Floridablanca inclúen un gran número de establecementos de venda de material informático.

A avenida Mistral, que a partir de 1995 converteuse nun espazo exclusivo para viandantes, é a arteria máis viva e dinámica do barrio. Existen nela dous cines: o "Renoir Floridablanca" (con sete salas especializadas en películas de autor e en versión orixinal) e o "Cinema Urgell" (o de maior aforamento de Barcelona).

O barrio conta tamén co gran Centro de Atención Primaria Manso, xestionado polo Institut Català da Salut (ICS) e situado na confluencia das rúas Manso e Calàbria, o cal proporciona cobertura asistencial médica a todo o barrio e tamén á poboación dos barrios veciños do Raval e da Esquerra de l'Eixample.

Polo que fai referencia ao ensino, dispón de dous centros educativos concertados: o Col.legi Salesià Sant Josep (Rocafort-Floridablanca) e o Maria Auxiliadora (Calàbria-Sepúlveda).

A asociación de veciños do barrio ten a súa sede na Avenida Mistral, 30, entre Calàbria e Rocafort.