La Vila Olímpica del Poblenou

Na Galipedia, a Wikipedia en galego.
Modelo:Xeografía políticaLa Vila Olímpica del Poblenou
Imaxe

Nomeado en referencia aVila Olímpica (pt) Traducir Editar o valor em Wikidata
Localización
Mapa
 41°23′23″N 2°11′48″L / 41.3898, 2.19659Coordenadas: 41°23′23″N 2°11′48″L / 41.3898, 2.19659
EstadoEspaña
Comunidade autónomaCataluña
Provinciaprovincia de Barcelona
Ámbito funcional territorialÁmbito metropolitano de Barcelona
ComarcaBarcelonès
ConcelloBarcelona
Distritos (pt) TraducirSant Martí Editar o valor em Wikidata
Poboación
Poboación9.395 (2021) Editar o valor em Wikidata (9.962,88 hab./km²)
Xeografía
Superficie94,3 ha Editar o valor em Wikidata
Ben integrante do patrimonio cultural catalán
Id. IPAC46124 Editar o valor em Wikidata

La Vila Olímpica del Poblenou é un dos barrios que conforman o distrito de Sant Martí da cidade de Barcelona.

O barrio desenvolveuse a raíz da intervención urbanística polos Xogos Olímpicos de 1992. Nunha vella zona industrial do Poblenou, chamada Icària en recordo dos antigos socialistas utópicos, construíuse a Vila Olímpica como residencia dos deportistas participantes nos Xogos Olímpicos.

O deseño do conxunto, e a súa posterior transformación en barrio residencial, fíxose da man dun equipo de arquitectos composto principalmente por Oriol Bohigas, Josep Martorell, David Mackay e Albert Puigdomènech. A operación urbanística supoñía, á vez, a recuperación desta fronte litoral pola cidade e a creación de espazos de lecer como o Porto Olímpico, os parques do Port e da Nova Icària e a praia deste mesmo nome.

O proxecto inicial contemplaba a construción de catro rañaceos, en lugar dos dous actuais, como unha clara referencia ás Catro Columnas xónicas de Josep Puig i Cadafalch na montaña de Montjuïc derrocadas durante a ditadura de Primo de Rivera e repostas en 2010.[1] O MOPU, o antigo Ministerio de Obras Públicas e Urbanismo, considerou que, de acordo coa lei de costas recentemente aprobada, non era posible a construción de catro torres e estimou que dous era o máximo de rañaceos que se poderían edificar.[1] Os sectores máis nacionalistas considerárono como unha clara provocación xa que coas catro torres crearíase unha estelada xigante.[1][2]

A Torre Mapfre está situada neste barrio, mentres que o adxacente Hotel Arts e a escultura Peix de Frank O. Gehry atópanse ao extremo do barrio de La Barceloneta. No barrio da Víla Olímpica tamén se atopa a prisión de Wad-Ras, o Porto Olímpico, o Parque da Nova Icària e un campus da Universidade Pompeu Fabra, situada nas renovadas instalacións duns antigos cuarteis militares. A biblioteca da Universidade ocupa o singular edificio do Depósito das Augas, que antigamente alimentaba a fonte do veciño Parque da Ciutadella.

Trátase dun barrio moi popular entre visitantes estranxeiros, pola súa proximidade ás praias de Barcelona e a zona de lecer nocturno do Porto Olímpico, así como por uns cines que proxectan versións orixinais con subtítulos no centro comercial do barrio.

Notas[editar | editar a fonte]

  1. 1,0 1,1 1,2 directe.cat, 7 de setembro de 2009, Les quatre torres Arquivado 02 de outubro de 2013 en Wayback Machine.
  2. La ciudad de los arquitectos, Barcelona, Anagrama, 1994, de Llàtzer Moix

Véxase tamén[editar | editar a fonte]

Ligazóns externas[editar | editar a fonte]