Barrio de Les Corts

Na Galipedia, a Wikipedia en galego.
Igrexa de Santa Maria del Remei

Les Corts é un barrio do distrito homónimo da cidade de Barcelona. É a zona máis central do distrito e foi o núcleo principal do antigo municipio de Les Corts, agregado a Barcelona en 1897, ao que daba nome e que máis ou menos corresponde ao que hoxe é o actual distrito.

O barrio combina edificacións das primeiras urbanizacións dos séculos XVIII e XIX, xunto con outras de nova construción. Durante a década dos anos setenta do século XIX abríronse as principais rúas e a praza do Carme, situada no eixo central desta popular barriada. A finais de século instaláronse varias industrias, como a fábrica Castells e a súa colonia obreira.

O sector de Can Novell comprende os terreos que ocupou o antigo campo do FC Barcelona entre os anos 20 e 60 do século XX e que agora se atopan ao barrio de La Maternitat i Sant Ramon. Nos terreos da antiga masía de Can Batllori, sobre a avenida Diagonal, atopáronse restos neolíticos e ibéricos, así como unha vila e unha necrópole romana.

Escut de Barcelona.svg
A Galipedia ten un portal sobre: