Bandeira de Polonia

Bandeira de Polonia
Características
Uso	...
Proporción	5:8
Adopción	1 de agosto de 1919
Cores	Branco     Vermello

A bandeira de Polonia (en polaco: Flaga Polski) é oficialmente a bandeira do Estado dende o 1 de agosto de 1919.

Descrición

Está formada por dúas franxas horizontais de iguais dimensións. A franxa superior é de cor branca e a inferior é vermella. Posúe unhas proporcións de 5:8. Existe unha versión co escudo nacional, a bandeira de Estado, que se utiliza no estranxeiro como bandeira das representacións diplomáticas e que é tamén a bandeira da mariña mercante.

As cores da bandeira de Polonia proveñen do escudo nacional: a parte branca representa á Aguia Branca e a parte vermella a cor do campo do escudo. As súas orixes remóntanse ao século XIII, cando a aguia branca foi fixada sobre unha superficie vermella polos príncipes da dinastía dos Piastas. O branco e o vermello comezaron a aparecer nos escudos, estandartes e guións da cabalería, pasando a figurar nas bandeiras militares.

Outras bandeiras

• 
  Pavillón do Estado
• 
  Bandeira (branco)
• 
  Pavillón do Estado (branco)
• 
  Pavillón naval
• 
  Base aérea naval
• 
  Reino do Congreso

Véxase tamén

Outros artigos

• Bandeira de Mónaco
• Bandeira de Indonesia

Ligazóns externas

• Polonia en Flags of the World (en inglés)