Símbolo vexilolóxico

Un símbolo vexilolóxico é usado polos vexilólogos para indicar certas características das bandeiras, e facilitar a súa clasificación. Os símbolos elixidos son os símbolos internacionais de identificación de bandeiras, creados por Whitney Smith. A asemblea xeral da Fédération Internationale des Associations Vexillologiques (FIAV) celebrada en Otava (Canadá) en 1981, recoñeceu este código de información, e recomendou o seu uso a todas as organizacións e individuos que a forman.

Usos

Esta reixa foi deseñada pola FIAV para indicar especificamente o uso das bandeiras nacionais. Un punto dentro de cada unha das seis celas indica o uso da bandeira como bandeira civil, bandeira institucional, bandeira de guerra, pavillón civil, pavillón institucional e/ou pavillón de guerra, que son os seis tipos de usos que pode ter unha bandeira nacional.

	Civil	Institucional	Guerra
Uso terrestre	bandeira civil.	bandeira institucional	bandeira de guerra
Uso marítimo	pavillón civil	pavillón institucional	pavillón de guerra (ou naval)

Así, o símbolo indica que a bandeira só pode usarse por unidades militares, xa sexan terrestres ou navais, mentres que o símbolo indica que a bandeira é usada sempre, soamente, en terra.

Propiedades

Outros símbolos son utilizados para indicar outras características das bandeiras.

	Bandeira normal ou bandeira de iure
	Deseño proposto, nunca oficializado
	Deseño reconstruído con base en observacións anteriores
	Vista do reverso da bandeira
	Deseño é unha variante aceptada
	Versión alternativa da bandeira
	Bandeira de facto
	Deseños distintos no anverso e no reverso da bandeira
	Hasta debe estar á dereita do observador
	Bandeira histórica, non oficial na actualidade