Banda Recreativa e Cultural de Bandeira
 | Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
| País | Galicia |
|---|---|
| Anos de actividade | 1982 - actualmente |
| Enderezo | Rúa do Deporte, SN (Auditorio Manuel Dopazo), A Bandeira, Manduas, Silleda |
| Sitio web | [1] |
A Banda de Música Recreativa e Cultural de Bandeira é unha agrupación musical formada no lugar da Bandeira, na parroquia de Manduas en Silleda. Dita agrupación foi fundada no ano 1982.
Historia
[editar | editar a fonte]Desaparecida a banda de Silleda en 1977, o seu último director, José Villaverde Gómez, que xa tocara na banda da súa parroquia natal, Orazo (A Estrada), tomou as rendas desta agrupación, que se presentaría ao público o martes de Entroido do ano 1982 na propia vila da Bandeira.
A agrupación formouse no ano 1980 cando un grupo de amigos ("Pilotos", "Mejuto" e Manolo Villaverde) elixiron como profesor e director a José Villaverde Gómez, quen estivo ó cargo da mesma ata setembro do ano 1989. Os inicios foron no baixo da casa de "Mejuto" e os primeiros ensaios na taberna do Xoaneiro. Logo de aquí pasouse á Casa Cultural do pobo. No ano 1983, participou no Certame de Bandas Populares de Galicia, celebrado en Santiago de Compostela e recibe a mención de Banda máis xove de Galicia. Arredor de 1985, tivo lugar a primeira gravación da banda en casete.
No ano 1989 a asociación contratou como director a Luis Alberto González Amosa, con tan só 17 anos. En 1991, a formación acadou o cuarto posto no 1º Certame de Bandas Populares de Galicia, celebrado en Lalín. No 2000 tomou a batuta Braulio Manuel Cao Ledo, músico por oposición da Banda Municipal de Santiago de Compostela. En xaneiro de 2008 a dirección da banda pasou a mans de Miguel Rodríguez Barrio, músico por oposición da Banda Municipal da Coruña, quen a dirixiu ata outubro de 2015. Desde novembro de 2015 ata setembro do 2018, a dirección da banda estivo a cargo de José Lodeiro Gesto[1]. Actualmente, e desde decembro do 2018, á batuta da banda está Manuel Otero Paino.
A banda celebra concertos extraordinarios todos os anos pola Santa Icía e Ano Novo, así como cursos de especialización musical, polos que pasaron algúns dos mellores músicos a nivel nacional e que leva xa máis de dez edicións. Tamén hai que destacar a realización do Festival de Bandas de Música Populares, que se celebra todos os anos no mes de setembro.
Colectivos
[editar | editar a fonte]A Asociación Musical Recreativa e Cultural de Bandeira agrupa aos seguintes colectivos:
- Banda de Bandeira
- Banda de Veteranos de Bandeira
- Banda Xuvenil de Bandeira
- Banda Infantil de Bandeira
- Coro Vales Mahía
- Grupo de “clases para maiores”
Discografía
[editar | editar a fonte]- Banda de Música Recreativa de Bandeira. (1998)
- XXX Aniversario da Banda Recreativa e Cultural de Bandeira. (2012)
- Coincidindo tamén co XXX Aniversario editouse o DVD A música da Bandeira (2012)
- A dança dos moscas ao vivo, colaborando co grupo Caxade. (2015)
Notas
[editar | editar a fonte]- ↑ O novo director da Banda Recreativa e Cultural da Bandeira preséntase este domingo cun concerto no auditorio Manuel Dopazo en Noticieiro Galego (18/12/2015) (Consultado o 23/11/2016).
Véxase tamén
[editar | editar a fonte]Bibliografía
[editar | editar a fonte]- Alvarellos Iglesias, Enrique (1986). Bandas de música de Galicia. Lugo: Alvarellos.