O seu fundador e primeiro director foi Gumersindo Castro García, Estaquio, que xuntou aos músicos da antiga banda do Cotorral (1879-1899), da parroquia de Salgueiros, para formar esta agrupación no ano 1907. Tras el, a dirección correu a cargo de Antonio López García, a quen sucedeu Abeledo no ano 1936. Tras o paro provocado pola guerra, a banda volveuse xuntar para desaparecer definitivamente en 1941.
