Banda de música de Brántega

Na Galipedia, a Wikipedia en galego.
Saltar ata a navegación Saltar á procura
Banda de música de Brántega
Banda Cultural de Brántega
Anos de actividade1864-1956 / 1982-1993 (Cultural)
EnderezoBrántega, Agolada

A Banda de música de Brántega foi unha agrupación musical con sede na parroquia de Brántega, no concello pontevedrés de Agolada.

Historia[editar | editar a fonte]

Esta banda foi fundada en 1864 e estivo composta nos seus inicios por catro mozos. Co paso do tempo, o número de compoñentes foi medrando e a dirección pasou a mans de Andrés Vilariño Porral. A división da banda en dous grupos deu como resultado a aparición da banda da Baíña en 1942. A Vilariño sucedeuno o seu fillo Raimundo e a este, José Oro Val, que tamén dirixiría a banda de Guláns anos máis tarde. Tras Oro Val, a batuta recaeu nas mans de Amadeo Agra Fernández, con quen desaparecería en 1956.

Brántega tivo que agardar preto de 30 anos para que outra agrupación levase o seu nome. Así foi como en 1982 se refunda a banda baixo a denominación de Banda Cultural de Brántega, proxecto que durou ata 1993, cando se disolve. Pero a súa desaparición non foi total, xa que esta agrupación foi o xermolo da actual banda municipal de Agolada.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]