Xoves
 |
Esta páxina contén texto en xaponés. Se o seu navegador non está axeitadamente configurado pode ver caracteres estraños. |
O Xoves é o cuarto día da semana. O nome "Xoves" vén do latín iovis (dies) ou día de Xúpiter, deus supremo romano. Durante os últimos anos desprazou en moitos falantes o nome orixinal galego Quinta-feira por influencia do nome castelán de onde foi introducido na lingua.
Índice |
Nomes noutras linguas: [editar]
| Lingua | Nome | Significado |
| Alemán | Donnerstag | Día de Donar |
| Búlgaro | Четвъртък/Tschetvartak | O Cuarto da Semana |
| Catalán | Dijous | Día de Xúpiter |
| Checo | Čtvrtek | O Cuarto da Semana |
| Chinés Tradicional | 星期四/Xīng Qī Sī | Catro da Semana |
| Español |
Jueves | Día de Xúpiter |
| Eusquera (vasco) |
Ostegun | Día de Ortzi/Ost |
| Francés |
Jeudi | Día de Xúpiter |
| Holandés |
Donderdag | Día de Donar |
| Inglés |
Thursday | Día de Thor |
| Irlandés | Dé ardaoin | O Día entre dous Xaxúns |
| Islandés |
Fimmtudagur | Quinto Día |
| Italiano |
Giovedì | Día de Xúpiter |
| Noruegués |
Torsdag | Día de Thor |
| Quechua |
Illa P'unchay | Día da Luz ou do Resplandor |
| Portugués |
Quinta-feira | Quinto Día |
| Romanés | Joi | Día de Xúpiter |
| Ruso |
Четверг/Chitvierg | Cuarto Día |
| Xaponés |
木曜日/Mokuyoubi | Día das Árbores |
O xoves na cultura popular [editar]
Algúns conservan o resto do cirio que iluminou o sagrario durante os oficios do Xoves Santo pois cren que se se acende ten a virtude de disipa-las treboadas.
Para diagnostica-lo enganido (raquitismo) dun meniño, ponse un vaso de auga na súa cabeza e bótanse nove pingas de cera do cirio do Xoves Santo. Se as nove pingas se xuntan significa que o meniño ten o mal. Para curalo, xuntan a auga de nove fontes e botan nela follas de xaro, bañando despois ó meniño nela.
Fraseoloxía [editar]
- ¡Sempre no medio, coma o xoves!
- Ser máis atravesado que un xoves.
Refraneiro [editar]
- O luns e o martes lava a curiosa; o mércores e o xoves, a envexosa; e o sábado, a preguizosa.
Días da semana: [editar]
Luns ~ Martes ~ Mércores ~ Xoves ~ Venres ~ Sábado ~ Domingo
Palabras relacionadas: [editar]
Calendario. Día. Semana. Mes. Ano.
