Winterthur

Winterthur
Situación
País	Suíza
Cantón	Zúric
Distrito	Winterthur
Nome
Nome oficial	Winterthur
Francés	Winterthour
Italiano	Winterthur
Romanche	Winterthur
Xeografía
Superficie	67,93 km2
Altitude  • Máxima  • Mínima	439 m 687 m (Hulmen) 393 m (Kläranlage Hard)
Poboación
Poboación	101.203 (2010)
Densidade	1.490 hab/km2
Lingua	Alemán
Información
Código postal	8400
Alcalde	Ernst Wohlwend (SPS)
Sitio na web	www.stadt-winterthur.ch

Winterthur é unha cidade suíza situada no cantón de Zúric, ao norte do país. Con 101.203 habitantes, é a sexta cidade da Confederación por volume de poboación. Chamada abreviadamente polos seus habitantes Winti, hoxe Winterthur é unha cidade de servizos e un importante centro da industria de alta tecnoloxía.

Xeografía

Situada a unha altitude media de 439 metros, Winterthur aséntase nas marxes sur e leste do río Töss. Outro río, o Eulach transcorre tamén pola cidade, motivo polo cal Winti recibe o nome de Cidade do Eulach. A cidade de Zúric está a tan só 30 kms en dirección suroeste.

Historia

A historia de Winterthur principia co asentamento romano de Vitudurum. As primeiras edificacións da cidade propiamente dita datan do século VII, e xa no XI era unha cidade amurallada con foxo e torres. No século XIII os Habsburgo adquiriron a vila, pertencendo aos seus dominios ata o ano 1467.

Foi o escenario da batalla homónima en 1799 entre Francia e Austria, no contexto das guerras revolucionarias francesas. Golpeada duramente pola Gran Depresión nos anos 30, Winterthur recuperou o seu pulo económico tras a Segunda Guerra Mundial.

Cultura

A Orquestra de Winterthur (Orchester Musikkollegium Winterthur), a máis vella orquestra de música clásica suíza fundada en 1875, posúe unha recoñecida traxectoria. En 1989 a cidade recibiu o Premio Wakker en recoñecemento pola súa posta en valor e preservación do patrimonio arquitectónico.

O Museo de Arte de Winterthur (Kunstmuseum Winterthur) é o máis importante da cidade. As súas exposicións son de arte comtemporánea, dende o Impresionismo ata os nosos días. Entre as súas pezas atópanse obras de Claude Monet, Paul Cézanne, Vincent van Gogh ou Pablo Picasso.

Véxase tamén

Outros artigos

Listaxe	Cidade	Cantón	Pob.	Listaxe	Cidade	Cantón	Listaxe	Zúric Xenebra Basilea
1	Zúric	Zúric	372.047	11	Thun	Berna	42.330
2	Xenebra	Xenebra	191.415	12	Köniz	Berna	38.793
3	Basilea	Basilea-Cidade	169.019	13	La Chaux-de-Fonds	Neuchâtel	37.523
4	Lausana	Vaud	133.280	14	Schaffhausen	Schaffhausen	34.587
5	Berna	Berna	123.466	14	Friburgo	Friburgo	34.490
6	Winterthur	Zúric	101.203	16	Vernier	Xenebra	33.517
7	San Galo	San Galo	72.642	17	Coira	Grisóns	33.377
8	Lucerna	Lucerna	59.509	18	Neuchâtel	Neuchâtel	32.770
9	Lugano	Tesino	55.060	19	Uster	Zúric	32.285
10	Biel/Bienne	Berna	50.455	20	Sion	Valais	29.718
Censo 2010

Ligazóns externas

• Páxina do concello de Winterthur