Biel/Bienne

Na Galipedia, a Wikipedia en galego.
Modelo:Xeografía políticaBiel/Bienne
Biel (de)
Bienne (fr) Editar o valor em Wikidata
Imaxe
Localización
lang=gl Editar o valor em Wikidata Mapa
 47°08′14″N 7°14′50″L / 47.1372, 7.2472Coordenadas: 47°08′14″N 7°14′50″L / 47.1372, 7.2472
Estado federadoSuíza
CantónsBerna
Rexión administrativaSeeland administrative region (en) Traducir
Distrito administrativoBienna (pt) Traducir Editar o valor em Wikidata
Capital de
Bienna (pt) Traducir (2010–) Editar o valor em Wikidata
Poboación
Poboación55.159 (2018) Editar o valor em Wikidata (2.600,61 hab./km²)
Lingua oficiallingua alemá
lingua francesa Editar o valor em Wikidata
Xeografía
Superficie21,21 km² Editar o valor em Wikidata
Bañado porLago de Biena, Rio Suze (pt) Traducir, Río Aar e Thielle (en) Traducir Editar o valor em Wikidata
Altitude434 m-441 m Editar o valor em Wikidata
Organización política
• Xefe do gobernoErich Fehr (2011–) Editar o valor em Wikidata
Membro de
Identificador descritivo
Código postal2500, 2502, 2503, 2504, 2505 e 2501 Editar o valor em Wikidata
Prefixo telefónico032 Editar o valor em Wikidata
Código de municipio suízo0371 Editar o valor em Wikidata
Outro
Irmandado con
Lugar do Patrimonio suízo
IdentificadorISOS 10001 de, ISOS 10002 fr
Páxina webbiel-bienne.ch Editar o valor em Wikidata

Biena, oficialmente en alemán: Biel, e en francés Bienne (antigamente en italiano: Bienna, en romanche: Bienna), é unha cidade suíza localizada no cantón de Berna. Está situada no extremo nororiental do lago de Biena, na rexión de Seeland, e, con 55.206 habitantes, ocupa o décimo posto na lista de cidades suízas.

É a segunda cidade máis grande do cantón, despois de Berna, e a maior cidade bilingüe de toda Suíza. Dende 2010, é a capital do distrito administrativo bernés de Biel/Bienne. Segundo a Oficina Federal de Estadística, nas 25 comunas da aglomeración urbana de Biena moran 101.271 persoas,[1] mentres que se estima que na súa zona de influencia, este número pode chegar ata 150.000 persoas.[2]

Biena é o centro rexional e económico da rexión de Seeland, así coma do Xura bernés e partes do cantón de Soleura. A cidade conta con varias escolas universitarias e de estudos superiores. Biena é o centro reloxeiro máis importante de Suíza, por diante de Le Locle, Grenchen e La Chaux-de-Fonds, e é coñecida como a metrópole reloxeira do mundo, en parte pola sede de Swatch Group e a planta de produción de Rolex. A Federación da Industria Reloxeira Suíza ten tamén a súa sede na cidade.

Biel caracterízase por ser unha cidade relativamente nova e homoxénea que, sobre todo no barrio da estación, construíuse a partir dos anos '20 conforme ás reglas de Bauhaus e Neue Bauen, escolas de arquitectura e deseño. O seu casco antigo, de estrutura medieval, está marabillosamente conservado.

Xeografía[editar | editar a fonte]

A cidade descansa aos pés da aba sur da Cordilleira do Xura, na ribeira nordeste do Lago de Biel. Queda, pois, xusto na fronteira lingüística entre o francés e o alemán, o Röstrigaben, motivo polo cal a denominación oficial da cidade é nos dous idiomas, habendo un 40% de francófonos e un 60% de xermanófonos, con tendencia a diminuíren os primeiros en favor dos segundos.

Historia[editar | editar a fonte]

A orixe de Biel hai que procurala no asentamento galo establecido durante a cultura de La Tène. Foi conquistada sucesivamente por romanos e burgundios, chegando estes últimos a incorporala ao seu reino, para pasar posteriormente ao dominio do Sacro Imperio Romano Xermánico.

A cidade propiamente dita foi construída no século XI e o primeiro rexistro escrito do seu topónimo data de 1142. Ata o século XVIII permaneceu oficialmente baixo a xurisdición do bispo de Basilea, mais na práctica integrouse na Antiga Confederación Suíza.

En 1798 foi anexionada pola Primeira República Francesa. Unha vez derrotado Napoleón, tras o Congreso de Viena, integrouse no cantón de Berna, onde aínda permanece.

Ata 2005 denominouse oficialmente Biel, aínda que a forma bilingüe Biel-Bienne tamén era de uso común. A partir dese ano a denominación oficial pasou a ser Biel/Bienne.

Economía[editar | editar a fonte]

A economía de Biel xira en torno á súa industria reloxeira. Marcas coma Festina, Leroy, Swatch ou Rolex están intimamente ligadas coa cidade. A mecánica de precisión e a micromecánica prosperan en toda a vila e nos seus arredores. Rolex estableceuse dende os seus inicios aquí, situando os seus centros de produción. Swatch tamén ten a súa sede central na cidade, ao igual que a Federación da Industria Reloxeira Suíza.

Cultura[editar | editar a fonte]

En 2004 recibiu o Premio Wakker pola conservación e desenvolvemento do seu patrimonio arquitectónico. En efecto, o centro histórico de Biel/Bienne, aínda que cativo, conserva as súas trazas orixinais, presididas por unha igrexa gótica do século XV. Tamén abundan as fontes profusamente decoradas con todo tipo de flores.

Notas[editar | editar a fonte]

  1. ↑ "Agglomerationen und Kerne ausserhalb von Agglomerationen". www.bfs.admin.ch. Consultado o 18 de decembro de 2014. 
  2. ↑ "AGGLOMERATION BIEL/BIENNE 2030 – Richtplan Siedlung und Verkehr." (PDF). Arquivado dende o orixinal (PDF) o 26 de abril de 2013. Consultado o 26 de abril de 2013. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Biel/Bienne&oldid=6587284»