Igrexa de San Nicolao da Coruña

Na Galipedia, a Wikipedia en galego.
Igrexa de San Nicolao da Coruña
Fachada da igrexa.
Datos xerais
PaísEspaña
TipoIgrexa parroquial
AdvocaciónSan Nicolao
LocalizaciónA Coruña
Coordenadas43°22′17″N 8°23′55″O / 43.371305555556, -8.3986666666667Coordenadas: 43°22′17″N 8°23′55″O / 43.371305555556, -8.3986666666667
Culto
CultoCatólico
DioceseSantiago de Compostela
Arquitectura
Construción1740-1865
EstiloBarroco[1]
[ editar datos en Wikidata ]

A igrexa de San Nicolao é un templo relixioso de estilo barroco situado na Coruña. É unha das parroquias históricas da cidade da Coruña, con Santa María, Santiago e San Xurxo.

Descrición[editar | editar a fonte]

Interior da igrexa.

O edificio ten planta de cruz latina e unha soa nave abovedada. A cada lado da nave hai seis capelas, a maioría funerarias. No interior destacan o presbiterio e as complexas decoracións barrocas. Dúas portas con balcóns permiten o acceso a outras áreas como a sancristía.[2]

A fachada clasicista, de dous corpos, está rematada por dúas torres-campanario.[2] No adro existe un cruceiro.[3]

Historia[editar | editar a fonte]

O templo anterior, do que só se conserva a capela do Cristo, cunha inscrición de 1632 foi destruído no asedio de 1589.[1] A partir desa data e especialmente dende 1688 tivo que ser consolidado e reformado.[4]

A heteroxeneidade e antigüidade do edificio existente fixo necesaria a reconstrución, contra 1740, dun novo templo de estilo barroco.[4] A fachada orixinal, posiblemente de estilo híbrido, foi substituída en 1861 pola actual, proxectada por Faustino Domínguez Domínguez.[2]

Na capela das Dores está enterrada a fundadora do Hospital da Caridade, Teresa Herrera.[1]

Notas[editar | editar a fonte]

  1. ↑ 1,0 1,1 1,2 Igrexa de San Nicolás
  2. ↑ 2,0 2,1 2,2 PEPRI
  3. ↑ Ficha do cruceiro en Turgalicia.
  4. ↑ 4,0 4,1 Vigo Trasancos, Alfredo (2007). A Coruña y el siglo de las luces: la construcción de una ciudad de comercio (1700-1808) (en castelán). Universidade de Santiago de Compostela. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Igrexa_de_San_Nicolao_da_Coruña&oldid=6110734»