Capela da Venerable Orde Terceira
| Capela da Venerable Orde Terceira | |
|---|---|
 Capela da Orde Terceira e torre de San Francisco. | |
| Datos xerais | |
| País | España |
| Tipo | Capela |
| Localización | A Coruña |
| Coordenadas | 43°22′08″N 8°23′23″O / 43.368888888889, -8.3897222222222Coordenadas: 43°22′08″N 8°23′23″O / 43.368888888889, -8.3897222222222 |
| Culto | |
| Culto | Católico |
| Diocese | Santiago de Compostela |
| Arquitectura | |
| Construción | 1746-1753 |
| [ editar datos en Wikidata ] | |
A Capela da Venerable Orde Terceira de San Francisco é un templo relixioso do século XVIII situado próximo á Cidade Vella da Coruña.
Historia[editar | editar a fonte]
A Terceira orde de San Francisco foi unha institución para segrares fundada por Francisco de Asís en 1221.[1]
O templo ten a súa orixe na capela que a orde terciaria dos Franciscanos, decidiu construír en 1680, nun terreo anexo ao antigo convento de San Francisco. O edificio actual, cun interior barroco, comezouse en 1746, dirixido primeiro por Simón Rodríguez e logo por José Vidal.[1][2]
Mentres que as ruínas do convento pasaron a propiedade militar en 1835, a capela non sufriu a desamortización por ser unha propiedade privada dos irmáns terciarios.[2]
Nas dependencias da capela atópase o arquivo da orde, con referencias dende 1674 sobre a capela, a presenza militar e datos urbanísticos e históricos da cidade. O arquivo foi inventariado parcialmente a principios do século XXI.[1]
Descrición[editar | editar a fonte]
A fachada do edificio actual é do século XIX, obra do arquitecto municipal Juan de Ciórraga. Acaroada á fachada consérvase a torre do antigo convento de San Francisco, que non foi trasladada co resto do edificio ao Paseo das Pontes.[3]
O acceso ao templo realízase por un amplo vestíbulo. A planta consta dunha única nave cunha sancristía acaroada ao lado da epístola. Nos flancos existen fornelas con retablos barrocos con marcos de pedra. O retablo maior, de estilo barroco, ocupa todo o testeiro. Débese a Domingo Antonio de Paredes e está datado en 1777, mais contén pezas doutro retablo anterior de 1690.[2]
Notas[editar | editar a fonte]
- ↑ 1,0 1,1 1,2 "Coruña Virtual". Arquivado dende o orixinal o 20 de abril de 2016. Consultado o 05 de abril de 2016.
- ↑ 2,0 2,1 2,2 García Iglesias, José Manuel (10-8-2014). "Franciscanos, Orden Tercera y Capuchinos en A Coruña". El Correo Gallego (en castelán). Arquivado dende o orixinal o 17-10-2015. Consultado o 5-4-2016.
- ↑ PEPRI
Véxase tamén[editar | editar a fonte]
 |
A Galipedia ten un portal sobre: A Coruña |
Ligazóns externas[editar | editar a fonte]
- Ficha Arquivado 15 de abril de 2016 en Wayback Machine. en Turgalicia
- Igrexa Orde Terceira de San Francisco
- Venerable Orden Tercera Franciscana (en castelán)