Afundación

Afundación
	Sede da fundación.
Tipo	Educativa
Data de fundación	18 de xuño de 2014
Presidente/a	Miguel Ángel Escotet
Premios	Premio Laxeiro
Localización
Enderezo	Cantón Grande 8. 15006
En	A Coruña
País	Galicia
Na rede
	https://www.afundacion.org/
	[ editar datos en Wikidata ]

Afundación (A Fundación Galicia Obra Social) é unha organización privada de mecenado cultural ligada a Abanca. Procura unha acción educativa, social e cultural que, de xeito sostido, eficiente e relevante, contribúa a mellorar a sociedade galega, dentro e fóra de Galicia, e posibilite así o desenvolvemento integral das persoas que forman parte dela.

Historia[editar | editar a fonte]

O 1 de decembro de 2010: Inscribiuse no Rexistro Mercantil a nova entidade froito da fusión entre Caixanova e Caixa Galicia, Novacaixagalicia, que integraba a actividade financeira e a obra social. O 14 de setembro de 2011 a caixa segrega a súa actividade financeira a Novagalicia Banco e pasa de ter unha participación do 100 % a ter un 6,8 %, o que representa un valor de capital no seu patrimonio de 181 millóns de euros.

O 26 de decembro de 2012 o FROB acordou realizar unha operación de redución e ampliación de capital (operación acordeón) e, como consecuencia, Novacaixagalicia, xa só constituída polas áreas social e de cultura, sen ningún tipo de vinculación coas finanzas, perde toda a súa participación en Novagalicia Banco. O 28 de decembro de 2012 Novacaixagalicia convértese, de acordo á normativa vixente, en Fundación Especial Novacaixagalicia.

O 11 de decembro de 2013 a fundación foi recoñecida como de Interese Social e de Fomento da Economía Produtiva de Galicia. O 18 de decembro de 2013 tivo lugar a declaración de interese galego e inscrición da Fundación Especial Novacaixagalicia Obra Social no Rexistro de Fundacións de Interese Galego co número 2013/12.

O 18 de xuño de 2014 asinouse o convenio de mecenado con ABANCA e aprobación de novos estatutos.^[1] Adoptou a denominación de Fundación Galicia Obra Social (Afundación) e converteuse en fundación ordinaria. O 27 de xuño de 2014 tivo lugar a inscrición da modificación de estatutos no Rexistro de Fundacións de Interese Galego. O 2 de setembro de 2014 constituíuse o novo padroado de Afundación, configurado segundo os novos estatutos.

Padroado[editar | editar a fonte]

O máximo órgano de decisión de Afundación é o Padroado no que están representados ABANCA, o noso único mecenas, as sete principais cidades galegas, o Parlamento de Galicia, as deputacións provinciais, a Xunta de Galicia e os traballadores. Todos os seus membros contan cunha ampla experiencia nos campos de actuación de Afundación, tal e como establecera a Xunta de Galicia nos estatutos da entidade.^[2]

Membros

Presidente: Miguel Ángel Escotet Álvarez
Vicepresidente: Ángel Sicart Giménez
Asesor xurídico: José Eduardo Álvarez-Naveiro
Secretario (non no Padroado): Jesús Navazo Ruíz, subdirector xeral de Entidades Financeiras da Consellería de Facenda da Xunta de Galicia, que exerce o protectorado de Afundación
Xerente (non no Padroado): Pedro Otero Espinar

Vogais

Afonso Ribas Fraga
Eladio Fernández Pérez
Francisco Botas Ratera
Javier Etcheverría de la Muela
Jesús Santiago Vázquez Sanluis
José Fernández Pernas
José Luis Jiménez Martínez
José Luis Lolo Celeiro
Juan Carlos Escotet Rodríguez
Laura Mosquera Escudero
M.ª Jesús Budiño Rodríguez
Marcelino Agís Villaverde
María Isabel González Rey
Marta Lucio Gómez
Olga Cuña Blanco
Óscar Villar Díaz
Pedro Raúl López Jácome
Ramón Sestayo Lestón
Ricardo Díaz-Casteleiro Romero
Xosé Carlos Caneiro Pérez
Xosé Luis Liñares Barbeito

Colección de arte Afundación[editar | editar a fonte]

Artigo principal: Colección Afundación.

A Colección Afundación é unha colección artística propiedade de Afundación.

No ano 2011 contaba con máis de 5 000 obras,^[3] de máis de 300 autores, entre pintura, escultura, fotografía, gravado e debuxo. Existe unha mostra permanente das obras máis representativas da mesma, na sede Afundación en Vigo.