Harry Potter e a pedra filosofal (videoxogo)

Na Galipedia, a Wikipedia en galego.
Harry Potter e a pedra filosofal
Desenvolvedor(es): KnowWonder (PC)

Argonaut (PS)
Warthog (GC, PS2, XBOX)
Griptonite (GBC)
Eurocom (GBA)

Westlake Interactive (MAC)
Distribuidora(s): Electronic Arts
Produtor(es): EA Games
Compositor(es): Jeremy Soule
Motor: Unreal Engine 1
Data(s) de lanzamento: 15 de novembro de 2001
Xénero(s): Aventuras
Acción
Modos de xogo: Un xogador
Plataforma(s): PC, PlayStation, Game Boy Color, Game Boy Advance, MAC, Nintendo GameCube, PlayStation 2, Xbox

Harry Potter e a pedra filosofal é un videoxogo de acción e aventuras multiplataforma de Electronic Arts desenvolvido por KnowWonder, Warthog, Griptonite, Argonaut, Eurocom e Westlake Interactive.[1][2][3][4][5][6] Inicialmente, a pedra filosofal fora desenvolvido para PlayStation, PC, Game Boy Color, Advance e Macintosh, e logo foi refeito dous anos despois para PlayStation 2, Xbox e Nintendo GameCube.[7]

A primeira versión do xogo lanzouse á venda o 15 de novembro de 2001 en Norte América; en Australia e Europa estivo dispoñible a partir do 16 de novembro e no Xapón o 1 de decembro de 2003. A segunda versión viu a luz o 9 de decembro de 2003 en Norte América, no Xapón o 11 de decembro e en Australia e Europa o 12 de decembro.[8][9]

O videoxogo está baseado en Harry Potter e a pedra filosofal, a primeira novela da serie Harry Potter de J. K. Rowling. A historia presenta a Harry Potter, un neno que descobre que é meigo o día do seu undécimo aniversario e acode á Escola Hogwarts de Maxia e Feiticería para comezar a súa educación máxica. A maioría das críticas foron negativas. Os críticos destacaron a sinxeleza das probas e os pobres gráficos das versións de 2003.[10][11]

Índice

Modo de xogo [editar]

O modo de xogo de Harry Potter e a pedra filosofal é desde unha perspectiva de terceira persoa. O xogador controla a Harry Potter desde un punto de vista situado tras o personaxe.[12]

PC e PlayStation [editar]

Nas versións para PC e PlayStation, o videoxogo é semellante a un xogo de disparos de terceira persoa un xogo de crebacabezas. Inclúe combates con varias criaturas e xefes como Lord Voldemort. Ao longo da historia vanse aprendendo diversos esconxuros nas clases que poderán empregarse con inimigos e obxectos.

GameCube, PlayStation 2 e Xbox [editar]

Warthog Games fixo un novo xogo de Harry Potter e a pedra filosofal para as consolas máis novas en 2003, un par de anos despois das versións orixinais. O seu modo de xogo difire moito do resto de versións e recibiu críticas por tomar todos os esconxuros do videoxogo d’a Cámara dos Segredos.

Game Boy Color [editar]

O xogo para a Game Boy Color é similar a outros como Final Fantasy. O xogador controla a Harry, comezando con Hagrid levándoo ata a Travesa Diagon. Os esconxuros empréganse para os combates, no canto de servir para interactuar tamén coa contorna.

Game Boy Advance [editar]

O videoxogo para a Game Boy Advance é completamente diferente ca o da Game Boy Color. O xogo da Game Boy Advance é de crebacabezas. O xogador explora Hogwarts e debe asistir ás clases, que a miúdo inclúen un desafío de recoller certo número de elementos. O xogo inclúe monstros habituais doutros xogos da serie, como caracois e gnomos.

Notas [editar]

  1. ↑ "Games developed by KnowWonder Digital Mediaworks". IGN.com. http://au.games.ign.com/objects/027/027189.html. Consultado o 10-05-2011. 
  2. ↑ "Games developed by Warthog". IGN.com. http://au.games.ign.com/objects/027/027147.html. Consultado o 10-05-2011. 
  3. ↑ "Games developed by Eurocom". IGN.com. http://au.games.ign.com/objects/026/026050.html. Consultado o 10-05-2011. 
  4. ↑ "Games developed by Westlake". IGN.com. http://au.games.ign.com/objects/025/025588.html. Consultado o 10-05-2011. 
  5. ↑ "Games developed by Griptonite Games". IGN.com. http://au.games.ign.com/objects/027/027786.html. Consultado o 10-05-2011. 
  6. ↑ "Games developed by Argonaut Games". IGN.com. http://au.games.ign.com/objects/025/025343.html. Consultado o 10-05-2011. 
  7. ↑ "EA's Harry Potter and the Sorcerer's Stone Now Available for Next-Gen Consoles". Game Info Wire. 14-12-2003. http://au.games.ign.com/objects/025/025343.html. Consultado o 10-05-2011. 
  8. ↑ "Harry Potter and the Philosopher's Stone Releases". Giant Bomb. http://www.giantbomb.com/harry-potter-and-the-philosophers-stone/61-577/releases/. Consultado o 10-05-2011. 
  9. ↑ "Harry Potter and the Philosopher's Stone release dates". GameSpot. http://au.gamespot.com/pc/action/harrypotterandthess/similar.html?mode=versions. Consultado o 10-05-2011. 
  10. ↑ Casamassina, Matt (9 de decembro de 2003). "Harry Potter and the Sorcerer's Stone". IGN.com (IGN Entertainment, Inc.). http://au.ps2.ign.com/articles/445/445542p1.html. Consultado o 7 de xuño de 2010. 
  11. ↑ Steinberg, Steve (30 de decembro de 2003). "Harry Potter and the Sorcerer's Stone". GameSpy (IGN Entertainment, Inc.). http://au.ps2.gamespy.com/playstation-2/harry-potter-and-the-sorcerers-stone/493911p1.html. Consultado o 7 de xuño de 2010. 
  12. ↑ Steinberg, Steve (30 de decembro de 2003). "Harry Potter and the Sorcerer's Stone". GameSpy (IGN Entertainment, Inc.). http://au.ps2.gamespy.com/PlayStation-2/harry-potter-and-the-sorcerers-stone/493911p1.html. Consultado o 7 de xuño de 2010. 

Véxase tamén [editar]

Ligazóns externas [editar]

Traído desde "http://gl.wikipedia.org/w/index.php?title=Harry_Potter_e_a_pedra_filosofal_(videoxogo)&oldid=2903211"