Quidditch Through the Ages

Na Galipedia, a Wikipedia en galego.
Quidditch Through the Ages
Título orixinal Quidditch Through the Ages
Autor J. K. Rowling (como "Kennilworthy Whisp")
Lingua Inglés
Xénero(s) Fantasía
Editorial Flag of the United Kingdom.svg Bloomsbury
Flag of the United States.svg Scholastic
Flag of Canada.svg Raincoast
Data de pub. 2001
Páxinas 56

Quidditch Through the Ages (en galego, Quidditch a través dos tempos) é un libro escrito pola británica J. K. Rowling, publicado no ano 2001, que trata sobre o quidditch no universo de Harry Potter. O libro pretende ser a copia presente na biblioteca de Hogwarts mencionado en varias das novelas da serie Harry Potter.

O nome de Rowling non aparece na portada do libro; en cambio, a obra está publicada baixo o pseudónimo "Kennilworthy Whisp". Polo de agora, non hai tradución ao galego.

O 80% dos beneficios obtidos coa venda dos libros van dirixidos a nenos pobres de todo o mundo a través da fundación Comic Relief. Segundo Comic Relief, as vendas deste libro, xunto ao seu compañeiro Fantastic Beasts and Where to Find Them, ascenden a 15,7 millóns de libras esterlinas.

Sinopse[editar | editar a fonte]

Véxase tamén: Quidditch.

En 2001, Rowling escribiu dous libros complementarios á serie Harry Potter, Quidditch Through the Ages e Fantastic Beasts and Where to Find Them, con fins caritativos: Comic Relief recibe os beneficios obtidos coas vendas. Ata xullo de 2008, estímase que os libros produciron máis de 30 millóns de dólares para Comic Relief.[1]

O libro ficticio[editar | editar a fonte]

Dentro do mundo ficticio de Harry Potter, Quidditch Through the Ages está escrito por Kennilworthy Whisp, un experto en quidditch de renome.

O libro relata a historia do quidditch, así como a dos primeiros xogos que se practicaban con vasoira. Cando Severus Snape cachou a Harry fóra da escola con este libro en Harry Potter e a pedra filosofal, o profesor inventou a norma de que non estaba permitido levar os libros da biblioteca ó exterior, e confiscoullo.

Kennilworthy Whisp[editar | editar a fonte]

No universo de Harry Potter, Kennilworthy Whisp é un experto e fanático do quidditch que escribiu moitos libros sobre o deporte. Vive en Nottinghamshire e entre as súas afeccións atópanse o backgammon, a cociña vexetariana e coleccionar vasoiras vellas.

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]