Francesiña

Na Galipedia, a Wikipedia en galego.
Este artigo fala dun cogomelo, para o sándwich típico da cociña lusa véxase: francesinha.
Francesiña
Amanita citrina JPG1.jpg
Clasificación científica
Reino: Fungi
División: Basidiomycota
Clase: Agaricomycetes
Subclase: Agaricomycetidae
Orde: Agaricales
Familia: Amanitaceae
Xénero: 'Amanita'
Especie: ''A. citrina''
Nome binomial
''Amanita citrina''
(Schaeff.) Pers., 1797

A francesiña[1] (Amanita citrina) é un fungo basidiomiceto da orde Agaricales, que habita tanto en bosques de coníferas como de follosas. É unha especie termófila, que non está habituada aos climas fríos. Adóitase atopar en solos areentos, que son acedos e pobres en nutrientes. Forma asociacións micorrícicas, preferentemente con coníferas. O corpo frutífero abrolla dende finais do verán até finais do outono. O seu sabor é desagradábel, polo que non se lle considera un cogomelo comestíbel.[2]

Morfoloxía[editar | editar a fonte]

Detalle das lamelas e do anel nunha francesiña en Commanster, Bélxica.

O corpo frutífero está rematado por un chapeu de entre 5 e 10 centímetros de diámetro, de forma hemisférica en exemplares novos e achatada en cogomelos máis desenvolvidos. Presenta unha cor amarela limón moi pálida, que pode variar cara o verde amarelento ou o averdado. Tamén pode ser completamente branco. A miúdo presenta unha tona con restos do veo, que forma grandes placas —brancas, amarelentas ou pardentas—. Posúe unha cutícula xelatinosa e que se desprende con facilidade. As marxes do chapeu son lisas e as lamelas son ceibas e prietas, de cor branca ou amarelentas. O mide entre 10 e 12 centímetros de longo e entre 1 e 1,5 de largo, branco amarelento, e posúe un amplo anel amarelento, con superficie estriada. A volva é de gran tamaño, cilíndrica cun bordo cortado moi característico. A carne é branca, amarelenta na zona inmediatamente inferior á cutícula, e non ten valor como comestíbel, polo seu mal sabor.

Posibilidades de confusión[editar | editar a fonte]

É posébel confundir a francesiña con exemplares brancos da especie cacaforra da morte (Amanita phalloides), así como coa cacaforra fedorenta (Amanita virosa), ambas as dúas moi tóxicas.

Notas[editar | editar a fonte]

  1. Nome vulgar galego en Diccionario das ciencias da natureza e da saúde (A-C). A Coruña, Deputación da Coruña, 2000
  2. Grünert, H.; Grünert, R.. Guías de Naturaleza Blume: Setas (t. original:"Pilze"). ISBN 84-87535-11-9.

Véxase tamén[editar | editar a fonte]

Commons
Commons ten máis contidos multimedia na categoría: Francesiña
Wikispecies-logo.svg
Wikispecies posúe unha páxina sobre: Francesiña

Outros artigos[editar | editar a fonte]