Dos arquivos do trasno
Dos arquivos do trasno é un libro de contos do escritor Rafael Dieste, publicado no ano 1926. Na súa primeira edición, a obra tiña relatos, pero na segunda, de Galaxia do 1962, o número relatos aumentou a vinte.
Índice |
[editar] Contido
O libro comeza cun esbozo de teoría do conto a través de seis aforismos, estilo que moitos escritores da época utilizaban parar dar a coñece-las súas concepcións sobre a arte poética. Constitúe a primeira reflexión sobre o xénero nas letras galegas. Dos arquivos do trasno contén a temática máis característica da literatura galega: a morte, a morriña, a presencia dos mortos, o misterio, a dignidade, a emigración e o retorno á terra. En canto á súa realización estética, o libro ten as súas raíces na estrutura do relato oral, que se manifesta nas fontes temáticas de onde obtén material e nos rexistros estilísticos que emprega.[1] Nel abundan as testemuñas sobre a admiración do escritor para as expresións da cultura popular.
Realidade e fantasía, os dous planos nos que se desenvolve a obra, fican establecidos xa desde o título. Así, nalgúns casos, os relatos do libro exploran vivencias que rozan o fantástico. Os personaxes son os que crean a atmosfera. Tódolos contos teñen un momento de tensión máxima, o que Dieste consegue cunha presencia mínima de personaxes, unha precisión máxima da linguaxe e un uso perfecto dos ritmos. Os diferentes individuos e tipos -nenos, vellos, mariñeiros, vagabundos- que poboan as páxinas de Dos arquivos do trasno forman en conxunto un retrato moi vivo do variado carácter galego. Porén non se limita ao folklórico, senón que, ao contrario, transforma este substrato popular galego en realizacións estéticas de proxección universal.
[editar] Contos
- Sobre da morte de Bieito
- De cómo se condenou o Ramires
- A volta
- A luz en silencio
- Historia dun xoguete
- O vello Moreno
- O vagamundo
- O vello que quería ve-lo tren
- O neno suicida
- Na morte de Estreliña
- O grandor do mundo
- Pampín
- Espanto de nenos
- Na ponte de ferro
- Nova York é noso
- O caso dos tres fornos
- Once mil novecentos vinteseis
- O drama do cabalo de xadrez
- Un conto de Reis
- De cómo veu a Rianxo unha balea
[editar] Notas
- ↑ *Casas, Arturo (1994), Rafael Dieste e a súa obra literaria en galego, Vigo: Galaxia. ISBN.
[editar] Véxase tamén
[editar] Bibliografía
- Dieste, Rafael. Dos arquivos do trasno. Vigo: Galaxia, 2008.
