Reis Magos

Na Galipedia, a Wikipedia en galego.
Adoracións dos Reis. Resto dun baldaquino, hoxe na parede dunha casa de Ponte Arnelas (Ribadumia)
Reis Magos, en México

Os Reis Magos (tamén coñecidos como os Magos de Oriente) é o nome polo que tradicionalmente se denomina aos visitantes que, tras o nacemento do Neno Xesús, acudiron desde países estranxeiros para renderlle homenaxe e entregarlle agasallos de gran riqueza simbólica: ouro, incenso e mirra.

Tradición[editar | editar a fonte]

Nalgúns países (como en Galicia) existe a tradición de representar aos reis traendo os agasallos que os nenos lles pediron nas súas cartas durante a noite anterior á Epifanía. En Galicia a lenda dos Reis Magos foi substituíndo ao longo dos últimos séculos ao apalpador,[Cómpre referencia] figura propia mítica ligada á tradición do Nadal da que só fican testemuñas nas comarcas orientais de Galicia[1].

Orixe[editar | editar a fonte]

O nome de magos provén do latín "magi" e este de o grego "μάγοι". Este termo, sen ter o mesmo significado que o actual, era un título que se lle daba ás castes sacerdotais do zoroastrismo. Como parte da súa relixión, estes sacerdotes prestaban unha especial atención ao estudo das estrelas, e gañaron unha reputación internacional pola astroloxía.

A figura dos Reis Magos ten a súa orixe nos relatos do nacemento de Xesús, algúns dos devanditos relatos foron integrados dos evanxeos canónicos que hoxe conforman o Novo Testamento da Biblia. Concretamente o Evanxeo de Mateo é a única fonte bíblica que menciona a uns magos (aínda que non especifica o número nin o título de "reis") quen, tras seguir unha estrela, buscan ao Rei dos Xudeus que naceu en Xerusalén, guiándolles dita estrela ata Xesús nacido en Belén, e a quen ofrecen ofrendas de ouro, incenso e mirra. As tradicións antigas que non foron recollidas na Biblia, por exemplo o chamado Evanxeo do Pseudo Tomás (ou Evanxeos da infancia de Tomé) do século II, con todo, dan o seu número e asígnanlles nome: Melchor, Gaspar e Baltasar, posiblemente sacerdotes zoroastristas provenientes de Persia. Os nomes son ademais diferentes segundo a tradición siriaca. Segundo posteriores interpretacións os Magos foron considerados orixinarios de África, Europa e de Asia.

Non é ata o século XV cando Baltasar pasará a ser representado como unha persoa de cor ou incluso de etnia india[Cómpre referencia].

Galería de imaxes[editar | editar a fonte]

Notas =[editar | editar a fonte]

  1. Lôpez Gonçâlez, José André, O Apalpador: personagem mítico do natal galego a resgate, revista Vagalume da Asociación Galega Corredor del Henares, 2001, consultable tamén en Portal Galego da Língua (.pdf).

Véxase tamén[editar | editar a fonte]

Outros artigos[editar | editar a fonte]