Castro de Pena Lopesa
Coordenadas: 43°34′37″N 8°13′33″O / 43.576880555556, -8.2258111111111
| Castro de Pena Lopesa | |
|---|---|
 | |
| Parroquia | O Val |
| Concello | Narón |
| Provincia | A Coruña |
| Comunidade autónoma | Galicia |
| Id. catálogo | GA15054015 |
| Cronoloxía | |
| Datas de ocupación | Século -I a Século I |
| Períodos de escavación | non escavado |
| Estado actual | abandono/destrución |
| Véxase tamén | |
| Castros de Galicia | |
O Castro de Pena Lopesa é un castro costeiro fortificado. Está situado na parroquia do Val (Narón). É un castro situado sobre un pequeno istmo na praia do mesmo nome no límite entre os concellos de Narón e Valdoviño.
Escavacións arqueolóxicas[editar | editar a fonte]
O asentamento non foi escavado aínda que se fixeron pequenas prospeccións que confirman a súa ocupación entre os séculos I antes da era actual e o século I despois da era actual. Atopáronse anacos de cerámica, característica da zona, e cravos da construción. O castro debeu ser un poboado costeiro fortificado unido á costa.
Situación actual[editar | editar a fonte]
O lugar está abandonado completamente. Consérvase tal como foi abandonado, sen intervención posterior algunha. O mar está a esnaquizar o penedo no que se asenta.
Accesos[editar | editar a fonte]
Dende a Pena Molexa hai unha pista peonil ben sinalizada con camiños costeiros que levan ata a praia de Pena Lopesa. Un pequeno regato chega ao mar onde está o istmo do castro. O lugar é de moi difícil aceso. Só en marea baixa se pode chegar ao pé da pena despois de baixar polos penedos o aceso a ela é case imposible, con rochas verticais.
