A Galipedia chega aos 5 anos e supera xa os 30.000 artigos, ao mesmo tempo que se segue a mellorar na profundidade. Como se adiantaba no anterior xornal o proxecto atópase nun proceso de redeseño co obxectivo de afrontar a meta dos 50.000 artigos. Esta nova etapa trae como novidade a nova Portada da Galipedia (antiga Portada) e mailo novo Portal da comunidade (antigo Portal) que foron renovados coa axuda dos usuarios deste wiki e que dan un novo pulo a este proxecto que vai medrando e mellorando.