Tseng Kwong Chi

Na Galipedia, a Wikipedia en galego.
Infotaula de personaTseng Kwong Chi
Nome orixinal(zh-hant) 曾廣智
(en) Joseph Tseng
(en) Tseng Kwong Chi Editar o valor em Wikidata
Biografía
Nacemento1950 Editar o valor em Wikidata
Hong Kong, República Popular da China Editar o valor em Wikidata
Morte10 de marzo de 1990 Editar o valor em Wikidata (39/40 anos)
Nova York, Estados Unidos de América Editar o valor em Wikidata
Causa da morteMorte natural Editar o valor em Wikidata (Morte por SIDA Editar o valor em Wikidata)
Datos persoais
País de nacionalidadeEstados Unidos de América Editar o valor em Wikidata
EducaciónPrince of Wales Secondary School (en) Traducir
St. Joseph's College (en) Traducir Editar o valor em Wikidata
Actividade
Ocupaciónfotógrafo Editar o valor em Wikidata
Período de actividade1975 Editar o valor em Wikidata - 1990 Editar o valor em Wikidata
LinguaLingua cantonesa e lingua inglesa Editar o valor em Wikidata
Familia
IrmánsMuna Tseng (en) Traducir Editar o valor em Wikidata
Páxina webtsengkwongchi.com Editar o valor em Wikidata
Facebook: TsengKwongChi Instagram: tsengkwongchi WikiTree: 曾-62 Editar o valor em Wikidata

Tseng Kwong Chi (chinés tradicional: 曾廣智; chinés simplificado: 曾广智; pinyin: Zēng Guǎngzhì), tamén coñecido coma Joseph Tseng, nado o 6 de setembro do 1950 e finado o 10 de marzo do 1990, foi un fotógrafo estadounidense de orixe hongkonesa, afincado no East Village durante os oitenta.[1] Foi irmán da bailarina e coreógrafa Muna Tseng.

Traxectoria[editar | editar a fonte]

O seu pai foi un oficial do Kuomingtang que fuxiu de Shanghai no 1949, tras a vitoria comunista na guerra civil chinesa.[2] Tseng naceu no Hong Kong británico ao ano seguinte, e foi considerado un neno prodixio da pintura e da caligrafía chinesas.[1] Cando tiña 16 anos, a súa familia mudouse ao Canadá, onde estudou no St Joseph's College.[2] Despois, estudou pintura na Académie Julian de París, pero abandonouna pola fotografía ao ano seguinte, cando o seu pai lle regalou unha cámara Rolleiflex.[2][3] No 1979, trasladouse ao East Village, en Manhattan, onde coñeceu aos artistas de vangarda Keith Haring, Kenny Scharf, Jean-Michel Basquiat e Ann Magnuson.[4][2]

Tseng faleceu por unha enfermidade relacionada coa sida no 1990, acompañado pola súa parella de sete anos, Robert-Kristoffer Haynes.[5][6] A colección de obras de Tseng atópase no Museo Solomon R. Guggenheim de Nova York e no Museo de Arte Moderna de San Francisco.[7] Foi incluído postumamente no arquivo dixital do Centro de Artes Asiático-americanas.[8]

Obra[editar | editar a fonte]

Fotografía[editar | editar a fonte]

Tseng formou parte do círculo de artistas do East Village neoiorquino durante os oitenta, xunto con Keith Haring, Kenny Scharf ou Cindy Sherman.[9] As súas obras máis famosas pertencen á súa serie de autorretratos East Meets West ("O este atópase co oeste"), na que aparece vestido cun traxe semellante aos de Mao Zedong e cuns lentes de sol fronte a lugares turísticos famosos. Entre estes, atópanse a Estatua da Liberdade, o cabo Cañaveral, Disneylandia, Notre-Dame de París ou o World Trade Center.[1] Sobre esta serie, indicou:[10]

My mirrored glasses give the picture a neutral impact and a surrealistic quality I am looking for. I am an inquisitive traveler, a witness of my time, and an ambiguous ambassador.

(Os meus lentes de espello danlle á imaxe o impacto neutro e a calidade surrealista que estou a procurar. Son un viaxeiro curioso, un testigo da miña época e un embaixador ambiguo.)
Tseng Kwong Chi (1950-1990)

Tseng realizou preto de corenta mil fotografías do graffiteiro neoiorquino Keith Haring durante os oitenta, mentres traballaba en murais, instalacións e no metro.[4][5] No 1984, participou coas súas pezas nunha exhibición da obra de Harring na Sempahore East Gallery, titulada Art in Transit ("Arte en tránsito"). Tseng fotografiou a primeira aterraxe dun Concorde no aeroporto internacional John F. Kennedy.[1]

Influencias[editar | editar a fonte]

Segundo a súa irmá, Tseng estivo moi influenciado por Brassaï e Henri Cartier-Bresson.[1]

Notas[editar | editar a fonte]

  1. ↑ 1,0 1,1 1,2 1,3 1,4 Loke, Margarett (1996-10-18). "Inside Photography". The New York Times (en inglés). ISSN 0362-4331. Consultado o 2024-02-17. 
  2. ↑ 2,0 2,1 2,2 2,3 "【顯影】當東方符號遇上西方地標 - 顯影 ｜ 蘋果日報". web.archive.org. 2021-01-25. Arquivado dende o orixinal o 25 de xaneiro de 2021. Consultado o 2024-02-17. 
  3. ↑ Tseng, Muna. "Tseng Kwong Chi: Biography" (PDF) (en inglés). Consultado o 17-02-2024. 
  4. ↑ 4,0 4,1 "Visual AIDS - Tseng Kwong Chi". Visual AIDS (en inglés). Consultado o 2024-02-17. 
  5. ↑ 5,0 5,1 "Tseng Kwong Chi, Photographer, 39". The New York Times (en inglés). 1990-03-11. ISSN 0362-4331. Consultado o 2024-02-17. 
  6. ↑ Hallmark, Kara Kelley (2007-05-30). Encyclopedia of Asian American Artists (en inglés). Bloomsbury Academic. ISBN 978-0-313-33451-1. 
  7. ↑ "Photos by Tseng Kwong Chi with Keith Haring at Paul Kasmin Gallery". artdaily.com (en inglés). Consultado o 2024-02-17. 
  8. ↑ "Tseng, Kwong Chi - Profile - artasiamerica - A Digital Archive for Asian / Asian American Contemporary Art History". artasiamerica.org. Consultado o 2024-02-17. 
  9. ↑ "Tseng Kwong Chi". Ben Brown Fine Arts (en inglés). Consultado o 2024-02-17. 
  10. ↑ "Tseng Kwong Chi". Consultado o 2024-02-17. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Tseng_Kwong_Chi&oldid=6699078»