Touro Sentado

Na Galipedia, a Wikipedia en galego.
Saltar ata a navegación Saltar á procura
Touro Sentado
Sitting Bull.jpg
Nome completoJumping Badger
Nacemento1831
Lugar de nacementoGrand River
Falecemento15 de decembro de 1890
Lugar de falecementoTerritório de Dakota
Causaferida por arma de fogo
NacionalidadeEstados Unidos de América
EtniaPobos nativos dos Estados Unidos e Hunkpapa
OcupaciónXefe tribal e artista
CónxuxeLight Hair, Four-Robes-Woman, Snow-on-Her, Seen-by-her-Nation e Scarlet Woman
FillosCrow Foot
Sitting Bull Signature.svg
editar datos en Wikidata ]
Touro Sentado.

Tȟatȟáŋka Íyotake (en lakota [tˣatˣãka ɪjotake] (AFI)) ou, de xeito simplificado, Tatanka Iyotake; máis coñecido como Touro Sentado[1] (do inglésSitting Bull), nado en 1831 e finado en 1890, foi un xefe indio norteamericano da tribo dos síux hunkpapa.

Traxectoria[editar | editar a fonte]

Touro Sentado fíxose famoso por conducir tres mil cincocentos indios síux e cheyenne contra o Sétimo de Cabalería, que estaba baixo as ordes do xeneral Custer, na batalla de Little Bighorn o 25 de xuño de 1876, onde os estadounidenses resultaron derrotados.

Perseguido polo exército estadounidense, Touro Sentado levou os seus homes ao Canadá, onde permaneceron até 1881. Neste ano regresou coa súa tribo aos Estados Unidos para que a súa xente se entregase e rematar así os enfrontamentos. O propio Touro Sentado foi amnistiado e o exército respectouno.

Nos anos seguintes Touro Sentado formou parte do show de Buffalo Bill.

Cando era xa maior, Touro Sentado sentiuse atraído por unhas danzas indias de carácter místico que tiñan como significado expulsar ao home branco das terras dos indios. O goberno estadounidense vendo nestas danzas unha ameaza, enviou policías indios para deter ao antigo xefe. No medio da liorta que se orixinou, Touro Sentado e o seu fillo morreron.

En síux, Tatanka Iyotake significa «Bisonte Macho Sentado». O nome de Touro Sentado chegou ao galego a través da tradución do apelativo que se lle deu en inglés, Sitting Bull, posto que bull, ademais de significar touro, utilízase para denominar os machos doutros animais vacúns, como os bisontes.

Notas[editar | editar a fonte]

  1. Para os xefes indios máis coñecidos adoita empregarse a forma traducida do alcume inglés. Ver Editorial Galaxia, ed. (2007). Diciopedia do século 21 3. Isaac Díaz Pardo, Víctor F. Freixanes, Antón Mascato (edición). p. 2062. ISBN 9788482893600. 

Véxase tamén[editar | editar a fonte]