A muller que camiña diante

A muller que camiña diante
Título Woman Walks Ahead
Instancia de filme
Xénero filme biográfico cinema dramático
Lingua orixinal lingua inglesa
Autoría
Director/a Susanna White (en)
Compositor/a George Fenton
Guionista Steven Knight
Director/a fotografía Mike Eley
Editor/a de cine Lucia Zucchetti
Actores Michael Greyeyes (Touro Sentado) Ciarán Hinds (James McLaughlin) Bill Camp (George Crook (pt) ) Jessica Chastain (Caroline Weldon) Michael Nouri Sam Rockwell Chaske Spencer Louisa Krause (pt)
Temática
Ambientado en Dacota do Norte
Personaxes Caroline Weldon James McLaughlin Touro Sentado George Crook (pt)
Publicación
Produtor/a Edward Zwick
Formato de distribución vídeo baixo demanda
Puntuación da crítica 60% Rotten Tomatoes (10 de novembro de 2021) 5.9/10 Rotten Tomatoes (10 de novembro de 2021)
Datas
Data de publicación 29 de xuño de 2018 (Estados Unidos de América) 5 de xullo de 2018 (Alemaña)
Dimensión
Duración 101 min
Localización
País de orixe Estados Unidos de América
Fontes e ligazóns
Páxina WEB a24films.com… Redes
Wikidata

A muller que camiña diante (en inglés: Woman Walks Ahead) é un filme estadounidense-británico de 2017 dirixido por Susanna White e escrito por Steven Knight. O filme conta a historia de Caroline Weldon (Jessica Chastain), unha retratista que viaxa dende a cidade de Nova York até territorio lakota para pintar un retrato de Touro Sentado (Michael Greyeyes) en 1890. Chaske Spencer e Sam Rockwell tamén forman parte do elenco.

O filme estreouse no Festival de Toronto o 10 de setembro de 2017. Estreouse a través de DirecTV Cinema o 31 de maio de 2018, antes de ter un lanzamento limitado nos cinemas o 29 de xuño de 2018 a través de A24. Estreouse en galego o 27 de setembro de 2022 a través da TVG. A dobraxe en galego e castelán foi feita por SDI Media.

Sinopse

Caroline Weldon, unha retratista suízo-estadounidense viaxa de Brooklyn a territorio indíxena na década de 1890 para pintar un retrato de Touro Sentado, e vese envolta na loita do pobo lakota polos dereitos da súa terra.

Personaxes

• Jessica Chastain como Caroline Weldon
• Michael Greyeyes como Touro Sentado
• Sam Rockwell como Coronel Silas Grove
• Ciarán Hinds como James McLaughlin
• Michael Nouri como Karl Valentine
• Chaske Spencer como Chaska
• Bill Camp como Xeneral Crook
• Rulan Tangen como Susan McLaughlin
• Rachel Singer como Dry Goods Assistant
• Louisa Krause como Loretta
• Lyle Sandoval como Tracker

Produción

O 3 de febreiro de 2016, informouse de que Jessica Chastain estaba en conversacións para interpretar á confidente de Touro Sentado no filme Woman Walks Ahead, dirixido por Susanna White. O 14 de setembro de 2016, Michael Greyeyes, Sam Rockwell, Ciarán Hinds, Chaske Spencer e Bill Camp uníronse ao elenco, e a fotografía principal produciuse en Novo México.