Tamara de Lempicka

Na Galipedia, a Wikipedia en galego.
Tamara de Lempicka
Tamara de Lempicka.jpg
Tamara de Lempicka en 1930
Nome de nacemento Maria Górska
Nacemento 16 de maio de 1898
Lugar Varsovia
Falecemento 18 de marzo de 1980 (81 anos)
Lugar Cuernavaca
Nacionalidade Estados Unidos de América e Polonia
Etnia Pobo polaco
Alma máter Académie de la Grande Chaumière
Ocupación pintor
Cónxuxe Tadeusz Lempicki
Raoul Kuffner
Coñecido/a por La belle Rafaëla, sen etiquetar e Autoportrait
editar datos en Wikidata ]
Busto de Tamara de Lempicka

Tamara de Lempicka, nada co nome de Maria Górska en Varsovia o 16 de maio de 1898 e finada en Cuernavaca (México) o 18 de marzo de 1980, foi unha pintora polonesa.

Traxectoria[editar | editar a fonte]

Nada no seo dunha familia da alta burguesía, estudou nun internado en Lausana (Suíza), en 1914 marcha a vivir a San Petersburgo cunha súa tía. En 1916 casou cun avogado chamado Tadeusz Lempicki en San Petersburgo, Russia. En decembro de 1917, durante a Revolución rusa, os bolxeviques deteñen ao seu marido, pero ela consigue que o poñan en liberdade e marchan a París, onde ela adopta o nome de Tamara de Lempicka. Estuda arte con Maurice Denis e André Lhote, comeza a expoñer a partir de 1923 e convértese nunha coñecida retratista, desenvolvendo un estilo propio, ás veces denominado cubismo brando, pero que se desenvolve dentro do art déco coas súas texturas e cores frías e duras, gusto pola sensualidade do corpo pero sometido á desintegración xeométrica por medio de círculos e triángulos.

Nas vésperas da segunda guerra mundial, trasládase a Beverly Hills co seu segundo marido, Raoul Kuffner e entra en contacto coas grandes estrelas cinematográficas da época. En 1943 establécense en Nova York. Despois da morte do seu marido en 1962, Tamara trasládase a Houston e comeza a pintar nun novo estilo, que non foi ben recibido e non volveu expoñer máis nunca. En 1978 marchou a vivir a Cuernavaca, México, onde morreu en 1980.


Este artigo tan só é un bosquexo
 Este artigo sobre arte é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.