San Claudio, Ortigueira

San Claudio
Vista do val de San Claudio.
Concello	Ortigueira
Provincia	A Coruña
Coordenadas	43°39′17″N 7°52′47″O
Área	9,46 km²
Poboación	471 hab. (2013)
Densidade	49,79 hab./km²
Entidades de poboación	60
[ editar datos en Wikidata ]

Santa María de San Claudio é unha parroquia que se localiza no concello de Ortigueira. Segundo o IGE en 2013 tiña 471 habitantes (253 mulleres e 218 homes) distribuídos en 10 entidades de poboación, o que supón unha diminución en relación ao ano 1999 cando tiña 655 habitantes.

Xeografía

Está situada na beira sur da ría de Ortigueira, nun amplo val que descende dende os montes do Espiño, Sixto, A Croa, Armada e o coto de Punxas e remata no mar. Linda polo norte coa ría de Ortigueira dende un regato que descende ao mar en Carballo de Boi, até a enseada da Roncadoira, polo leste limita coa parroquias de Senra, polo sur o regato das Areas e o de Carelle sepárana da parroquia do Ermo e polo oeste linda coas parroquias de Mera de Arriba e Mera de Abaixo. A estrada AC-862 cruza a parroquia bordeando a ría polos lugares da Fonte, Tristimil, A Rocha, A Tronqueira e Carballo de Boi. En paralela a estrada xeral e moi preto dela, vai a vía de FEVE, que conta nesta parroquia cun apeadoiro.

Patrimonio

A moderna igrexa parroquial na honra de San Claudio está no lugar da Feira, ten planta de cruz latina e ao seu carón queda o cemiterio parroquial. Tamén no lugar da Feira consérvanse os restos das antigas casetas do campo da feira, de sona ata ben entrado o século XX.

Hai dúas pequenas ermidas nesta parroquia, unha no lugar de Axilde na que se celebraba unha romaría de moita sona na comarca, e outra no lugar da Escola, na honra de santa Lucía, coñecida tamén pola capela da sarna.

Preto do cruzamento da AC-862 coa estrada da Feira érguese un centro escolar de indianos, chamado Centro de Instrucción polos seus promotores, os emigrantes en Cuba, que posteriormente foi escola pública e actualmente está convertido en local social municipal.

No lugar do Hospital atópase o Pazo dos Barreiros, que no século XVII funcionou como hospital de peregrinos, tan comúns por aqueles tempos para dar acollida as xentes que ían a Santiago de Compostela e a Santo André de Teixido que hoxe está convertido en granxa.

Galería de imaxes

• 
  Igrexa de San Claudio.
• 
  Capela de Santa Lucía ou Capela da Sarna.
• 
  Capela de Axilde.
• 
  Local social no antigo escolar de indianos.
• 
  Campo da Feira.
• 
  Pazo dos Barreiros.

Lugares e parroquias

Lugares de San Claudio

Lugares da parroquia de San Claudio no concello coruñés de Ortigueira

Abeleira - Alvariños - A Armada de Abaixo - A Armada de Arriba - Axilde - Os Barreiros - A Bodeguiña - A Caioga - O Camiño Grande - O Campo do Souto - A Capela - O Carbal - Carballo de Boi - A Casa da Horta - A Casanova de Arriba - O Castro - O Cereixal - O Chaelo - O Coto - O Cristo - O Curro - Enxertos - A Escola - O Escorial - Faxín de Abaixo - Faxín de Abriba - Faxín do Medio - A Feira - A Figueira - A Fonte - Francés de Abaixo - Francés de Arriba - Goimel - O Graivo - O Grañeiro - O Hospital - A Insuela - O Lagar Novo - O Lagar - Lastigueira - A Medrosa - O Monte - Mouriños - A Nogueira - O Orxado - O Outeiro - A Ovella - Os Palmarios - O Paxaro - O Plantío de Abaixo - O Plantío de Arriba - Pousada - Promadelos - A Rega - Regueiro - Ribados - Río de Augeiro - O Río - A Rocha - Roibás - O Seixo - O Sisto - Souto Calvo - Soutrandé - As Teixoeiras - A Torre - Tras do Río - Trestemil - A Tronqueira - A Venda - Vilarmor - A Viña da Cruz - O Xestal

Véxase tamén

Outros artigos

• Lugares de Ortigueira