Pull and Bear

Na Galipedia, a Wikipedia en galego.

Coordenadas: 43°31′49.84″N 08°12′7.86″W / 43.5305111°N 8.2021833°W / 43.5305111; -8.2021833

PULL & BEAR
Actual logo pull and bear.jpg
Logo actual
Sede pull and bear naron, río do pozo.jpg
Sede e centro loxístico de Pull&Bear, Río do Pozo (Narón)
Tipo Sociedade Anónima
Fundación 1991
Matriz Inditex
Localización Av. Gonzalo Navarro 37-43. Polígono Río do Pozo, 15573 Narón (A Coruña) Galicia Galicia
Fundador Amancio Ortega Gaona
Industria Téxtil
Produtos Roupa e complementos
Beneficio 1.086 millóns de euros (2012)
Número de empregados 3.000
Páxina web pullandbear.com

Pull and Bear ou Pull&Bear é unha cadea de tendas de roupa e complementos que está englobada no grupo INDITEX, as súas oficinas centrais e centro loxístico, atópanse no polígono de Río do Pozo, no concello de Narón.

Historia[editar | editar a fonte]

Antigo logo de Pull and Bear.

A cadea naceu en 1991, debido á diversificación de obxectivo comercial de Inditex, que neses momentos só contaba coas tendas Zara. A cadea está dirixida a un público mozo e informal a prezos accesibles.[Cómpre referencia]

Un ano despois da súa creación e seguindo coa política comercial do grupo levada anteriormente con Zara, Pull and Bear abre a súa primeira tenda fóra de España: inaugurouse en Portugal. Dende ese momento a compañía non parou de medrar ata chegar en 2012 ás 440 tendas en 24 países: Malta, Israel, Irlanda, Chipre, Emiratos Árabes Unidos, Qatar, Kuwait, Xordania, Líbano, Bahrain, Andorra,Polonia, Eslovaquia, Rusia, Serbia, Romanía, O Salvador e Guatemala, sendo algunhas das tendas destes países franquías mentres en España, Portugal, Grecia, Venezuela e México son de propiedade e non existe opción a abrir unha tenda franquiciada.

Tendas e franquías de P&B.

No 1998 ampliou as súas liñas de roupa con XDYE, unha marca de carácter máis urbano e moderno co que conseguiu un gran éxito[Cómpre referencia] e introducindo por primeira vez coleccións para muller. Tres anos despois apareceu Sickonineteen.

En 2003 Christian Dior levou aos tribunais de Ferrol a Pull & Bear acusándoa de plaxiar un dos seus bolsos. O caso foi arquivado[1]. Pull&Bear chegou a un acordo coa empresa británica Asos para iniciar a principios de 2014 a venda dos seus produtos na súa plataforma online.[2]

Tendas[editar | editar a fonte]

Tendas Pull & Bear
Total España España Unión Europea Unión Europea
770[Cómpre referencia] 278[Cómpre referencia] 599[Cómpre referencia]

A finais de 2012 Pull&Bear tiña 816 tendas. En outubro de 2013 Inditex anunciou a ampliación das instalacións de Pull and Bear en Río do Pozo ca construción dun novo edificio para os departamentos creativos e de xestión da marca. O edificio terá 15.000 metros cadrados en dúas plantas e custará 20 millóns de euros. Para 2015 a empresa terá 70.000 metros cadrados construídos en Narón[3] .

Notas[editar | editar a fonte]

  1. "Un juez archiva una denuncia de plagio de Christian Dior contra Inditex", artigo en La Voz de Galicia, 14 de febreiro de 2003.
  2. Riaño, P. Moda.es, ed. «Inditex refuerza su negocio online y se abre con Asos a la venta en plataformas de terceros». Consultado o 24 de outubro de 2013. 
  3. Mayoral, Montse. diariodeferrol.com, ed. «Pull&Bear destina más de 20 millones a la edificación de su nueva sede en Narón». Consultado o 26 de outubro de 2013. 

Véxase tamén[editar | editar a fonte]

Ligazóns externas[editar | editar a fonte]

Flag of Galicia.svg Empresas do grupo Inditex
Bershka | Kiddy's Class - Skhuaban | Lefties |Massimo Dutti | Often | Oysho | Pull and Bear | Stradivarius | Tempe | Uterqüe | Zara | Zara Home