Pantín Classic
 Praia de Pantín, Valdoviño. | |
| Campionato de Surf | |
| Fundado en 1989 Océano Surf Club | |
| Organizado por: Club Praia de Pantín | |
| páxina web oficial: pantinclassic.org | |
Pantín Classic é unha competición de surf que faise tódolos anos dende 1989 na praia de Pantín (ou praia do Rodo)[1] no concello de Valdoviño. O Pantín Classic é a proba máis antiga do surf en España e a cuarta máis antiga do mundo despois da World Surf League (WSL) de Bells Beach (Australia), Virginia Beach (USA) e Lacanau (Francia).[2] Dende 2008 a competición está organizada polo Club Praia de Pantín.
Historia
[editar | editar a fonte]
Nos anos 1980 xa había na zona de Ferrol unha importante afección ao surf e ás súas variantes. Estes afeccionados recibían un importante pulo tódolos veráns coa visita de turistas estranxeiros que se achegaban ata as costas de Ferrol seguindo a liña de costa do norte de España. As praias de Doniños, San Xurxo, A Frouxeira e Covas eran coñecidas fóra de Galiza. Aínda sendo un deporte elitista e limitado a estamentos sociais moi concretos o surf gañou en difusión. En decembro de 1987 o grupo de afeccionados formado por Vicente Irisarri (que sería alcalde de Ferrol), Carlos Bremón, Gonzalo Barro, Carmen Aguilar e Fernando Montalvo crean o Océano Surf Club, o primeiro club de surf de Galiza[3]. Co apoio e os contactos axeitados foron quen de poñer en marcha unha competición de surf aproveitando o final do verán e que ás costas achegábanse surfeiros de toda Europa. O lugar elixido foi a praia de Pantín en Valdoviño. Un areal de mar aberto afastado da especulación urbanística e case virxe. A nova iniciativa, a praia de Pantín está a 20 km do centro de Ferrol, completouse cunha intelixente promoción. Durante o verán uns chamativos carteis con imaxes de surf podíanse ver nas tendas de material deportivo de Ferrol.
Cos anos a competición estaría patrocinada por marcas internacionais como Red Bull, Quiksilver, Headworx ou Ballantines. En 2016 a competición foi declarada Festa de Interese Turístico de Galicia.[4]
Marcas
[editar | editar a fonte]
A primeira edición do Pantín Classic fíxose en 1988 os días 23 e 25 de setembro co seguinte palmarés[5].
| Campións | ||
| Edición | Surf | Body board |
|---|---|---|
| 1988 | Jorge Imbert ( País Vasco)Fernando Adarraga (  Galicia)Balbi Irisarri ( Galicia)Roberto Ziller (  Brasil)
|
Gonzalo Casal “Super” Luis Veiga |
Galería de imaxes
[editar | editar a fonte]-
Pantín Classic XXX.
Notas
[editar | editar a fonte]- ↑ 25 años de historia. El blog del Océano Surf Club
- ↑ "El Pantín Classic, fiesta de interés turístico". Arquivado dende o orixinal o 20 de agosto de 2018. Consultado o 19 de agosto de 2018.
- ↑ "Pantín Classic. Historia del surf en el norte de España. valenciasurf.com". Arquivado dende o orixinal o 27 de xullo de 2013. Consultado o 01 de febreiro de 2013.
- ↑ "O Pantín Classic declarado festa de interese turístico de Galicia".
- ↑ HISTORIAS. Pantín Classic. 1988-2008. Vida y obra. desde la croa
Véxase tamén
[editar | editar a fonte]Bibliografía
[editar | editar a fonte]- Pantín Classic: 25 años de historia. Océano Surf Club (primeira edición 2007, 20 aniversario)
Ligazóns externas
[editar | editar a fonte]- Sitio web oficial da proba (en castelán) (en inglés)
- PANTIN CLASSIC - Historia do Surf no norte de España (en Youtube)
- Pantin Classic - 30 años de historia 17min50seg (en Youtube)